close
Choose your channels

சிம்பு - கெளதம் மேனன் படத்தில் இணையும் '2.0' பிரபலம்!

Friday, July 9, 2021 • தமிழ் Comments

சிம்பு நடிப்பில் இயக்குனர் கெளதம் மேனன் இயக்கத்தில் உருவாகவிருக்கும் திரைப்படம் ’நதிகளிலே நீராடும் சூரியன்’. இந்த படத்தின் ஆரம்பகட்ட பணிகள் தற்போது நடைபெற்று வருவதாகவும் விரைவில் படப்பிடிப்பு தொடங்க இருப்பதாகவும் கூறப்படுகிறது. இந்த படத்திற்கு ஏஆர் ரஹ்மான் இசையமைக்க உள்ளார் என்பதும் அவர் தனது பாடல் கம்போசிங் பணியை தொடங்கி விட்டதாகவும் கூறப்பட்டு வருகிறது.

இந்த நிலையில் இந்த படத்தில் முக்கிய பிரபலம் ஒருவர் இணைந்துள்ளதாக தகவல்கள் வெளிவந்துள்ளது. சூப்பர் ஸ்டார் ரஜினிகாந்த் நடித்த ’2.0’ உள்பட பல படங்களுக்கு வசனம் எழுதிய பிரபல எழுத்தாளர் ஜெயமோகன் ’நதிகளிலே நீராடும் சூரியன்’ படத்திற்கு வசனம் எழுத இருப்பதாக கூறப்படுகிறது. முழுக்க முழுக்க ரொமான்ஸ் கதை அம்சம் கொண்ட இந்த படத்தில் ஜெயமோகன் வசனமும் இணைந்தால் படம் லெவலில் இருக்கும் என்று எதிர்பார்க்கப்படுகிறது. ஏற்கனவே இந்த படத்தின் பாடல்களை தாமரை எழுதயிருப்பதாக அறிவிக்கப்பட்டுள்ளது என்பது தெரிந்ததே.

சிம்பு ஜோடியாக நடிக்கும் நடிகை உள்பட மற்ற நடிகர் நடிகைகள் தேர்வு நடைபெற்று வருவதாகவும் இந்த படத்தின் படப்பிடிப்பு குறித்த அறிவிப்பு விரைவில் வெளியாகும் என்றும் கூறப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz