బ్రేకింగ్: ఎంపీ రఘురామరాజుకు వై కేటగిరీ భద్రత
- IndiaGlitz, [Thursday,August 06 2020]
వైసీపీ రెబల్ ఎంపీ రఘురామకృష్ణ రాజుకు కేంద్ర బలగాలతో భద్రత కల్పించనున్నట్టు కేంద్రం వెల్లడించింది. ఆయనకు కేంద్ర హోం శాఖ వై కేటగిరి భద్రతను కల్పించింది. ఢిల్లీ హై కోర్టులో రఘురామ కృష్ణరాజుకు భద్రత కల్పించనున్నట్లు కేంద్రం తెలిపింది. కేంద్ర బలగాలతో తనకు భద్రత కల్పించాలని ఇటీవల రఘురామ కృష్ణరాజు లోక్‌సభ స్పీకర్, కేంద్ర హోంశాఖను కోరారు. రాష్ట్రంలో తన దిష్టి బొమ్మలు తగల బెట్టడం, దుర్భాష లాడటంతో భద్రత కల్పించాలని కేంద్రాన్ని కోరారు. కాగా.. తనకు భద్రత కల్పించిన కేంద్రానికి రఘురామ కృష్ణరాజు కృతజ్ఞతలు తెలిపారు. మరో మూడు రోజుల్లో తనకు భద్రత వస్తుందన్నారు.