close
Choose your channels

மகளின் வீடியோவில் 'ஆனந்த யாழை' இணைத்த யுவன்: வைரல் வீடியோ!

Tuesday, June 15, 2021 • தமிழ் Comments

இசையமைப்பாளர் யுவன் சங்கர் ராஜா கம்போஸ் செய்த ஆயிரக்கணக்கான பாடல்களில் ’ஆனந்த யாழை மீட்டுகிறாய்’ என்ற பாடல் மிகவும் ஸ்பெஷலானது என்பதும் ’தங்க மீன்கள்’ என்ற படத்திற்காக இடம்பெற்ற இந்த பாடலை நா முத்துக்குமார் எழுதினார் என்பதும், ஸ்ரீராம் பார்த்தசாரதி பாடி இருப்பார் என்பதும் குறிப்பிடத்தக்கது.

மகள் வைத்திருக்கும் ஒவ்வொரு தகப்பனாருக்கும் இந்த பாடல் ஒரு தேசிய கீதம் என்றால் அது மிகை ஆகாது. இந்த நிலையில் யுவன் சங்கர் ராஜா தனது மகளுடன் நடந்து செல்லும் வீடியோவை தனது இன்ஸ்டாகிராமில் பதிவு செய்து அதன் பின்னணியில் ’ஆனந்த யாழை மீட்டுகிறாய்’ என்ற பாடலைப் பயன்படுத்தியுள்ளார் .மகளின் கையைப் பிடித்துக்கொண்டு அவர் நடந்து செல்லும் இந்த காட்சிக்கும் இந்த பாடலில் உள்ள வரிகள் மிக பொருத்தமாக இருப்பதை அடுத்து இந்த வீடியோ தற்போது வைரல் ஆகி வருகிறது.

இந்த வீடியோவை பார்க்கும் ஒவ்வொரு தந்தையும் தனது மகளின் கையைப் பிடித்துக் கொண்டு நடந்து செல்வது போன்ற ஒரு உணர்வு ஏற்படுவதாக பலர் கமெண்ட்ஸ்களில் பதிவு செய்து வருகின்றனர் என்பது குறிப்பிடத்தக்கது.


 

Get Breaking News Alerts From IndiaGlitz