Vikram Gallery

సెలెక్టివ్ గా సినిమాలు చేస్తూ.. త‌న వైవిధ్య‌మైన న‌ట‌న‌తో ఆకట్టుకున్న త‌మిళ క‌థానాయ‌కుడు విక్ర‌మ్‌. తెలుగులోనూ త‌న‌కంటూ ఓ మార్కెట్‌ని సొంతం చేసుకున్న విక్ర‌మ్ ఈ ఏడాది ఆరంభంలో 'ఐ' సినిమాతో ప‌ల‌క‌రించాడు. సినిమా ఫ‌లితం ఎలా ఉన్నా.. త‌న పాత్ర కోసం విక్ర‌మ్ తీసుకున్న శ్ర‌ద్ధ‌, క‌ష్ట‌ప‌డిన తీరు సినిమా ప్రియుల మ‌న్న‌న‌లు పొందింది. ఈ ఉత్సాహంతోనే త‌న త‌దుప‌రి చిత్రం '10 ఎండ్ర‌త్తుకుల్ల' ని శ‌ర‌వేగంగా పూర్తిచేశాడు విక్ర‌మ్. ఈ సినిమా ఈ నెల 21న విడుద‌ల కానుంది. తెలుగులోనూ అదే తేదికి ఈ సినిమా అనువాద రూపంలో రావ‌చ్చు లేదంటే వాయిదా ప‌డొచ్చు.

ఏదీఏమైనా ఒకే ఏడాదిలో ఇలా రెండేసి సినిమాల‌తో ప‌ల‌క‌రించ‌డం విక్ర‌మ్ అభిమానుల‌కు మాత్రం సంతోష‌క‌ర‌మైన అంశ‌మే. కెరీర్ ప్రారంభంలో ఏడాదికి మూడు, నాలుగు సినిమాలు సైతం చేసుక‌పోయిన విక్ర‌మ్‌.. ఈ మ‌ధ్య కాలంలో ఏడాదికి ఒక‌టి లేదా రెండేళ్ల‌కు ఒక‌టి అన్న‌ట్లుగా త‌న సినిమాల‌తో ప‌ల‌క‌రిస్తున్నాడు. 2011లో 'దైవ‌తిరుమ‌గ‌ళ్' (నాన్న‌), 'రాజాపాట్టై' (వీడింతే) సినిమాల కోసం డ‌బుల్ ధ‌మాకా ఇచ్చిన విక్ర‌మ్ మ‌ళ్లీ నాలుగేళ్ల త‌రువాత ఆ ఫార్ములాని రిపీట్ చేస్తున్నాడు.