சிவகார்த்திகேயன் இயக்குனரின் அடுத்த படத்தில் கார்த்தி?
- IndiaGlitz, [Sunday,January 20 2019]
கார்த்தி நடித்த 'தேவ்' திரைப்படம் ரிலீசுக்கு தயாராகி அடுத்த மாதம் 14ஆம் தேதி காதலர் தினத்தில் வெளியாகவிருக்கும் நிலையில் அவர் அடுத்ததாக 'மாநகரம்' இயககுனர் லோகேஷ் கனகராஜ் இயக்கும் படம் ஒன்றில் நடிக்கவுள்ளார். இந்த படம் ஒரு கேங்ஸ்டர் படம் என்றும், இந்த படத்தில் நாயகியே இல்லை என்றும் கூறப்படுகிறது.
இந்த படத்தை அடுத்து கார்த்தி நடிக்கவுள்ள படம் ஒன்றின் தகவல் தற்போது வெளிவந்துள்ளது. சிவகார்த்திகேயன், கீர்த்தி சுரேஷ் நடித்த 'ரெமோ' என்ற வெற்றிப்படத்தை இயக்கிய பாக்யராஜ் கண்ணன் இயக்கும் அடுத்த படத்தில் கார்த்தி நடிக்கவுள்ளதாகவும், இதுவொரு அதிரடி ஆக்சன் படம் என்றும் கூறப்படுகிறது.
இந்த படம் குறித்த அதிகாரபூர்வ அறிவிப்பு இன்னும் ஒருசில நாட்களில் அறிவிக்கப்படும் என எதிர்பார்க்கப்படுகிறது.