இம்மாதம் பொங்கல் விருந்தாக சூப்பர் ஸ்டார் ரஜினியின் பேட்ட' மற்றும் தல அஜித்தின் 'விஸ்வாசம்' ஆகிய படங்கள் வெளியாகி இரண்டுமே வெற்றி பெற்றுள்ளது. இரண்டாவது வாரமாக இரண்டு படங்களுமே ஹவுஸ்புல் காட்சிகளாக திரையரங்கில் ஓடிக்கொண்டிருக்கும் நிலையில் கடந்த வெள்ளியன்று தமிழ் படம் எதுவும் ரிலீஸ் ஆகவில்லை

இந்த நிலையில் பிப்ரவரியில் சுமார் 15 படங்களுக்கும் மேல் ரிலீஸ் ஆகவுள்ளதாக வெளிவந்த செய்தியை ஏற்கனவே பார்த்தோம். அவற்றில் கார்த்தியின் 'தேவ்', 'சிம்புவின் வந்தா ராஜாவாதான் வருவேன்', ஜிவி பிரகாஷின் 'சர்வம் தாளமயம்', ராமின் 'பேரன்பு' ஆகிய படங்கள் குறிப்பிடத்தக்க படங்கள் ஆகும்

இந்த நிலையில் பிப்ரவரி ரிலீஸ் பட்டியலில் தற்போது சசிகுமாரின் 'நாடோடிகள் 2' திரைப்படமும் இணைந்துள்ளது. இன்று வெளியாகியுள்ள புதிய போஸ்டரில் இந்த படம் பிப்ரவரி வெளியீடு என்ற அறிவிப்பு உள்ளதுடன், இப்படத்தின் இசை வெளியீடு விரைவில் என்றும் அறிவிக்கப்பட்டுள்ளது.

சசிகுமார், அஞ்சலி, அதுல்யா ரவி, பரணி, எம்.எஸ்.பாஸ்கர் உள்ளிட்ட பலர் நடித்துள்ள இந்த படத்தை சமுத்திரக்கனி இயக்கியுள்ளார். ஜஸ்டின் பிரபாகரன் இசையில் ஏகாம்பரம் ஒளிப்பதிவில் ரமேஷ் படத்தொகுப்பில் உருவாகியுள்ள இந்த படத்தை எஸ்.நந்தகோபால் தயாரித்துள்ளார்.