సోషల్ మీడియాకు షాకిచ్చిన మిస్ట‌ర్ పర్ఫెక్ట్
- IndiaGlitz, [Tuesday,March 16 2021]
ఇండియన్ సినిమాల్లో ఇప్పుడు మిస్ట‌ర్ పర్ఫెక్ట్ అంటే ట‌క్కున గుర్తుకొచ్చే పేరు ఆమిర్ఖాన్. ఈయ‌న పుట్టిన‌రోజు మార్చి 14. ఫ్యాన్స్‌, సెల‌బ్రిటీలంద‌రూ ఆమిర్‌ఖాన్‌కు పుట్టిన‌రోజు శుభాకాంక్ష‌లను సోషల్ మీడియా ద్వారా తెలియ‌జేశారు. సినిమాల్లో ఏదో ఒక డిఫరెంట్‌గా ప్ర‌య‌త్నించే ఆమిర్.. లైఫ్‌లో ఎందుకు డిఫ‌రెన్స్ చూపించ‌కూడ‌ద‌ని అనుకున్నాడేమో. వెంట‌నే తాను అన్నీ సోషల్ మీడియాల నుంచి బ‌య‌ట‌కు వ‌చ్చేస్తున్న‌ట్లు అధికారికంగా తెలియ‌జేశాడు. ఇది ఓ ర‌కంగా అభిమానుల‌కు పెద్ద షాకింగ్ విషయం. అస‌లు ఆమిర్ ఉన్న‌ట్లుండి ఇలాంటి నిర్ణ‌యం ఎందుకు తీసుకున్నాడ‌నేది ఎవ‌రికీ అంతు చిక్క‌డం లేదు.
అయితే తన ప‌నిపై ఫోక‌స్ పెట్ట‌డానికే ఆమిర్ఖాన్ ఇలాంటి నిర్ణ‌యం తీసుకుని ఉంటాడ‌ని అంద‌రూ భావిస్తున్నారు. ‘‘న‌న్ను ఎంతో కాలంగా అభిమానిస్తున్న వారంద‌రికీ ధ‌న్య‌వాదాలు. మీ ప్రేమ‌కు, ఆద‌ర‌ణ‌కు ధ‌న్య‌వాదాలు. నా హృద‌యం ప్రేమతో నిండిపోయింది. ఇదే చివ‌రి సోషల్ మీడియా పోస్ట్‌. ఎప్ప‌టిలాగానే నేను నాకు సంబంధించిన అప్‌డేట్స్‌ను ఏకెపిపిఎల్‌ అఫీషియల్‌ ట్విట్టర్‌ హ్యాండిల్ తెలియ‌జేస్తాను. ప్రేమతో మీ ఆమిర్ ఖాన్’’ అని ఆమిర్ ఖాన్ తన మెసేజ్‌లో పేర్కొన్నారు. ప్రస్తుతం ఆమిర్ ఖాన్ ‘లాల్ సింగ్ చద్దా’ సినిమాను పూర్తి చేసే పనిలో ఉన్నాడు. ఈ సినిమా డిసెంబర్‌లో విడుదలవుతుంది.