அரவிந்தசாமியின் 'நரகாசுரன்' படத்தில் இணைந்த வெற்றி பட நடிகை
- IndiaGlitz, [Wednesday,August 30 2017]
'துருவங்கள் 16' படத்தின் மூலம் அனைவரையும் கவர்ந்த இளம் இயக்குனர் கார்த்திக் நரேன் இயக்கவுள்ள அடுத்த படமான 'நரகாசுரன்' படத்தின் ஆரம்பகட்ட பணிகள் விறுவிறுப்பாக நடைபெற்று வருகிறது. வரும் செப்டம்பர் 16ஆம் தேதி படப்பிடிப்பு தொடங்கவுள்ள இந்த படத்தில் அரவிந்தசாமி முக்கிய வேடத்தில் நடிக்கவுள்ளார்.
இந்த படத்தின் நாயகியாக ஸ்ரேயா மற்றும் 'மாநகரம்' சந்தீப் கிஷான், இந்திரஜித் உள்பட பலர் நடிக்கவுள்ள நிலையில் தற்போது இந்த படத்தில் நடிகை ஆத்மிகா இணைந்துள்ளார். இவர் சமீபத்தில் வெளிவந்து வெற்றி பெற்ற ஹிப்ஹாப் தமிழா ஆதியின் 'மீசையை முறுக்கு' படத்தின் நாயகி என்பது குறிப்பிடத்தக்கது.
'துருவங்கள் 16' படத்தின் ஒளிப்பதிவாளர் சுஜித் சரங் ஒளிப்பதிவில் ஸ்ரீஜித் சரங் படத்தொகுப்பில் உருவாகும் இந்த படத்திற்கு ரான் எதான் யோஹான் இசையமைக்கின்றார். இவர் ஏற்கனவே நயன்தாரா நடித்த 'மாயா' படத்திற்கு திகில் இசையை அமைத்தவர் என்பது குறிப்பிடத்தக்கது.