நேற்று பிளஸ் 2 தேர்வு முடிவுகள் வெளியான நிலையில் மாணவ மாணவிகள் மிகுந்த ஆர்வத்தில் தேர்வு முடிவுகளை பார்த்து வந்தனர் என்பதும் தேர்வு எழுதிய மாணவ மாணவிகளை 94 சதவீதத்திற்கும் அதிகமானோர் தேர்ச்சி பெற்றனர் என்பதும் தெரிந்தது.

இந்நிலையில் பிளஸ் 2 தேர்வை ஒரு சில திரை உலக நட்சத்திரங்களின் மகன்கள் மகள்களும் எழுதி இருப்பதாக தகவல் வெளியான நிலையில் தற்போது காமெடி நடிகர் கிங்காங் மகள் இந்த தேர்வில் பெற்ற மதிப்பெண் குறித்த தகவல் வெளியாகி உள்ளது.

தமிழ் திரை உலகின் காமெடி நடிகர்களில் ஒருவரான கிங்காங் கடந்த 1988 முதல் கிட்டத்தட்ட 30 வருடங்களுக்கு மேல் நடித்து வருகிறார் என்பதும் கடந்த ஆண்டு வெளியான ’காசேதான் கடவுளடா’’கிக்’ படங்களில் கூட அவர் எடுத்திருந்தார் என்பதும் குறிப்பிடத்தக்கது.

இந்த நிலையில் நடிகர் கிங்காங்கிற்கு மூன்று குழந்தைகள் இருக்கும் நிலையில் அவர்களில் கிங்காங் மகள் சக்தி பிரியா என்பவர் பிளஸ் 2 தேர்வு எழுதி அதில் 404 மதிப்பெண் பெற்றுள்ளதாக அவரே தனது சமூக வலைத்தளத்தில் தெரிவித்துள்ளார். இதனை அடுத்து மகளுடன் இருக்கும் புகைப்படத்தையும் அவர் பதிவு செய்துள்ள நிலையில் அந்த புகைப்படம் இணையத்தில் வைரல் ஆகி வருகிறது.

மேலும் கிங்காங் மகள் இன்னும் பெரிய படிப்பு படித்து வாழ்க்கையில் முன்னேற ரசிகர்கள் அவருக்கு வாழ்த்துக்களை தெரிவித்து வருகின்றனர்.

என் மகள் S.சக்தி பிரியா.பிளஸ் 2 ரிசல்ட் 404 மார்க் வாங்கி தேர்ச்சி பெற்றார் pic.twitter.com/c3d37UlBOd

— 👑Actor KingKong👑 (@actorkingkong) May 6, 2024