கமல் கட்சியில் ஐந்து பொதுச்செயலாளர்கள்: அதிரடி உத்தரவு
- IndiaGlitz, [Wednesday,August 14 2019]
கமல்ஹாசனின் மக்கள் நீதி மய்யம் கட்சியில் ஏற்கனவே அருணாச்சலம் என்பவர் பொதுச்செயலாளராக இருந்து வரும் நிலையில் தற்போது மேலும் 4 பேர்கள் பொதுச்செயலாளர்களாக நியமனம் செய்யப்பட்டுள்ளனர்.
மக்கள் நீதி மய்யம் கட்சியின் 4 புதிய பொதுச்செயலாளர்களாக ஏஜி.மௌர்யா, வி.உமாதேவி, ஆர்.ரங்கராஜன், பஷீர் அகமது ஆகியோர் நியமனம் செய்யப்பட்டுள்ளனர். இதுகுறித்த உத்தரவை அக்கட்சியின் தலைவர் கமல்ஹாசன் சற்றுமுன் பிறப்பித்துள்ளார்.
எனவே மக்கள் நீதி மய்யம் கட்சிக்கு அருணாச்சலம், ஏஜி.மௌர்யா, வி.உமாதேவி, ஆர்.ரங்கராஜன், பஷீர் அகமது ஆகிய ஐவர் இனிமேல் பொதுச்செயலாளர்களாக செயல்படுவார்கள் என்பது குறிப்பிடத்தக்கது
கடந்த மக்களவை தேர்தலில் ஒரு தொகுதியில் கூட மக்கள் நீதி மய்யம் கட்சி வெற்றி பெறவில்லை என்றாலும், வரும் உள்ளாட்சி மற்றும் சட்டமன்ற தேர்தலில் வெற்றி பெற தீவிர களப்பணி செய்து வருகிறது. மேலும் இக்கட்சிக்கு அரசியல் ஆலோசகராக பிரசாந்த் கிஷோர் நியமனம் செய்யப்பட்டிருப்பதாக கூறப்படுவதால் இனிவரும் தேர்தலில் கமல் கட்சி வெற்றி வாகை சூடுமா? என்பதை பொறுத்திருந்து பார்ப்போம்