உலகநாயகன் கமல்ஹாசன் நடிப்பில் ஸ்டண்ட் இயக்குனர்கள் அன்பறிவ் ஒரு படத்தை இயக்க இருக்கிறார்கள் என்ற செய்தி அதிகாரப்பூர்வமாக சமீபத்தில் வெளியானது. ராஜ்கமல் பிலிம்ஸ் இன்டர்நேஷனல் நிறுவனம் இந்த படத்தை தயாரிக்க இருப்பதாகவும் இந்த படத்தின் படப்பிடிப்பு விரைவில் தொடங்க இருப்பதாகவும் கூறப்பட்டது.

இந்த நிலையில் நேற்றைய பிக் பாஸ் கிராண்ட் ஃபினாலே நிகழ்ச்சியில் இந்த படத்தை மீண்டும் உறுதி செய்த கமல்ஹாசன், அன்பு, அறிவு ஆகிய இருவரையும் மேடைக்கு அழைத்து தனது வாழ்த்துக்களை தெரிவித்தார். திறமை உள்ளவர்களுக்கு தனது நிறுவனம் வாய்ப்பு வழங்கும் என்றும் அந்த வகையில் அன்பறிவ் அவர்களுடன் மூன்று படத்தில் இணைந்து பணிபுரிந்து உள்ளதால் அவர்களுடைய திறமைக்காக இந்த வாய்ப்பு வழங்கப்பட்டுள்ளதாக தெரிவித்துள்ளார்.

அந்த மூன்று படங்கள் ஆக ’விக்ரம்’ ’இந்தியன் 2’ மற்றும் ’இந்தியன் 3’ என கமல்ஹாசன் தெரிவித்துள்ளார். கமலஹாசன் நடிக்கும் ’இந்தியன் 3’ திரைப்படம் குறித்த அதிகாரப்பூர்வ அறிவிப்பு இன்னும் வெளிவராத நிலையில் நேற்றைய பிக் பாஸ் மேடையில் அவர் இந்த படம் குறித்து அறிவித்து உள்ளதை அடுத்து அவரது இன்னொரு படமும் உறுதி செய்யப்பட்டுள்ளது என்பது குறிப்பிடத்தக்கது.

இந்த நிலையில் ’இந்தியன் 2’மற்றும் ’இந்தியன் 3’ ஆகிய இரண்டு படங்களுமே இந்த ஆண்டிற்குள் வெளியாகும் என்று எதிர்பார்க்கப்படுகிறது.

Proud to add two proven talents in their new avatar as directors for #KH237. Slay it, Masters Anbariv. Welcome to Raaj Kamal Films International again.#ActioninAction@RKFI #Mahendran @anbariv @turmericmediaTM @magizhmandram pic.twitter.com/uH07IsMVjd

— Kamal Haasan (@ikamalhaasan) January 12, 2024