கலையரசனை அடுத்து விஜய்சேதுபதியுடன் இணைந்த இன்னொரு நடிகர்!
- IndiaGlitz, [Thursday,September 05 2019]
மக்கள் செல்வன் விஜய்சேதுபதி, ஸ்ருதிஹாசன் முதல்முறையாக இணைந்து நடித்து வரும் ‘லாபம்’ என்ற படத்தை இயக்குனர் எஸ்பி ஜனநாதன் இயக்கி வருகிறார். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் ஒரு முக்கிய கேரக்டரில் கோலிவுட்டின் இளம் ஹீரோ கலையரசன் இணைந்துள்ளதாக வெளிவந்த செய்தியை நேற்று பார்த்தோம்.
இந்த நிலையில் தற்போது மேலும் ஒரு நடிகர் இந்த படத்தில் இணைந்துள்ளார். அவர் தான் பிரபல இயக்குனர் மற்றும் நடிகரான பாண்டியராஜனின் மகன் பிரித்வி என்ற தகவல் தற்போது வெளிவந்துள்ளது. இந்த ஆண்டு ‘சகா’ என்ற படத்தில் பிரித்வி நடித்திருந்த நிலையில் தற்போது ஒரு முன்னணி நடிகருடன் இணைந்து நடிக்கவுள்ளார் என்பது குறிப்ப்பிடத்தக்கது
டி இமான் இசையில், ராம்தேவ் ஒளிப்பதிவில், அந்தோணி படத்தொகுப்பில் உருவாகி வரும் இந்தப் படத்தை விஜய்சேதுபதி மற்றும் ஆறுமுககுமார் ஆகியோர் இணைந்து தயாரித்துள்ளனர். இந்த படம் அடுத்தாண்டு வெளியாகும் என எதிர்பார்க்கப்படுகிறது