இயக்குனர் லோகேஷ் கனகராஜ் தற்போது விஜய் நடித்து வரும் ’லியோ’ திரைப்படத்தை இயக்கி முடித்துள்ள நிலையில் இந்த படம் வரும் அக்டோபர் மாதம் வெளியாக உள்ளது.

இதனை அடுத்து அவர் சூப்பர் ஸ்டார் ரஜினிகாந்த் நடிக்க இருக்கும் படத்தை இயக்க இருப்பதாகவும் இந்த படம் குறித்த அறிவிப்பு விரைவில் வெளியாகும் என்றும் கூறப்படுகிறது.

இந்த நிலையில் விஜய், ரஜினிகாந்த் படங்களை முடித்துவிட்டு அவர் அடுத்ததாக பிரபாஸ் நடிக்கும் படத்தை இயக்க இருப்பதாக கூறப்படுகிறது. சமீபத்தில் பிரபாஸை சந்தித்த லோகேஷ் கலைராஜ் ஒன்லைன் கதையை கூறியதாகவும் அந்த கதை பிரபாஸுக்கு பிடித்து விட்டதை அடுத்து இருவரும் முதல் முறையாக இணைய இருப்பதாகவும் கூறப்படுகிறது. பிரபாஸ் தற்போது பான் - இந்தியா நடிகராக மாறிவிட்டதால் இந்த படமும் பான் - இந்தியா திரைப்படமாக உருவாகும் என்று எதிர்பார்க்கப்படுகிறது.

இந்த நிலையில் லோகேஷ் கனகராஜ் இயக்கத்தில் கார்த்தி நடிக்க இருக்கும் ’கைதி 2’ திரைப்படத்தின் படப்பிடிப்பு விரைவில் தொடங்க உள்ளது என்பது குறிப்பிடத்தக்கது