தளபதி விஜய் நடித்த ‘லியோ’ திரைப்படம் நேற்று முன்தினம் வெளியாகி நல்ல வரவேற்பை பெற்ற நிலையில் இந்த படத்தை சூப்பர் ஸ்டார் ரஜினிகாந்த் ஏற்கனவே பார்த்து, தயாரிப்பாளருக்கு வாழ்த்து தெரிவித்தார் என்றும் பெரிய பட்ஜெட்டில் படம் எடுத்து உள்ளீர்கள் உங்கள் படம் வெற்றி அடைய எனது வாழ்த்துக்கள் என தெரிவித்ததாகவும் கூறப்பட்டது.

இந்த நிலையில் ரஜினியை அடுத்த தற்போது உலகநாயகன் கமல்ஹாசன் ‘லியோ’ படத்தை பார்த்ததாக தகவல் வெளியாகியுள்ளன. கமல்ஹாசனுக்காக சிறப்பு காட்சி திரையிடப்பட்டதாகவும், படத்தை பார்த்து முடித்ததும் கமல்ஹாசன் ‘லியோ’ படம் குறித்து தனது கருத்து தெரிவிப்பார் என்று எதிர்பார்க்கப்படுகிறது. ‘லியோ’ படத்தில் கமல்ஹாசன் கடைசி காட்சியில் தனது குரலை மட்டும் பதிவு செய்திருப்பார் என்பது படம் பார்த்தவர்களுக்கு தெரிந்திருக்கும்.

ஏற்கனவே ‘லியோ’ திரைப்படத்தின் முதல் நாள் முதல் காட்சியை பல பெரிய திரை மற்றும் சின்ன திரையினர் பார்த்து ரசித்து, படம் வெற்றியடைய வாழ்த்து தெரிவித்தனர் என்பது குறிப்பிடத்தக்கது