சூர்யா நடித்த ’வாரணம் ஆயிரம்’ என்ற திரைப்படம் சமீபத்தில் தெலுங்கில் சுமார் 500 தியேட்டர்களில் ரிலீஸ் ஆனது என்பதும் கௌதம் மேனன் இயக்கத்தில் உருவான இந்த படம் செம ரொமான்ஸ் படம் என்பதால் தெலுங்கு ரசிகர்கள் இந்த படத்தை மிகப்பெரிய அளவில் வரவேற்றனர் என்பதும் குறிப்பிடத்தக்கது.

ஹவுஸ்புல் காட்சிகளாக ’வாரணம் ஆயிரம்’ திரைப்படம் வெற்றி பெற்ற நிலையில் தற்போது சூர்யாவின் இன்னொரு அதிரடி ஆக்சன் திரைப்படம் தெலுங்கில் ரிலீஸ் ஆக உள்ளதாக தகவல் வெளியாகியுள்ளது.

சூர்யா, தமன்னா நடிப்பில் கேவி ஆனந்த் இயக்கத்தில் உருவான ’அயன்’ திரைப்படம் தான் தெலுங்கில் ரிலீஸ் ஆக இருப்பதாகவும் ஏவிஎம் நிறுவனம் தயாரிப்பில் உருவான இந்த படம் அடுத்த ஆண்டு ரிலீஸ் செய்ய திட்டமிடப்பட்டு உள்ளதாகவும் தகவல்கள் வெளியாகி உள்ளன

’வாரணம் ஆயிரம்’ போலவே இந்த படமும் தெலுங்கில் மிகப்பெரிய வெற்றி பெறும் என்று எதிர்பார்க்கப்படுகிறது.