'வாரிசு - துணிவு' படங்களை அடுத்து மீண்டும் விஜய்-அஜித் படங்கள் மோதலா?
![](https://d1pyuwmru9u39x.cloudfront.net/images/player/play-spl.png)
![](https://d1pyuwmru9u39x.cloudfront.net/images/player/igplunmute.png)
Send us your feedback to audioarticles@vaarta.com
![](https://d1pyuwmru9u39x.cloudfront.net/images/player/igpl-like.png)
![](https://d1pyuwmru9u39x.cloudfront.net/images/player/igpl-dislike.png)
தளபதி விஜய் நடித்த ’வாரிசு’ திரைப்படம் மற்றும் அஜித் நடித்த ’துணிவு’ திரைப்படம் ஆகிய இரண்டு படங்களும் வரும் பொங்கல் தினத்தில் வெளியாக உள்ளதை அடுத்து இரண்டு படங்களின் புரமோஷன் பணிகளும் விறுவிறுப்பாக நடைபெற்று வருகின்றன. இரண்டு படங்களையும் வெற்றிப் படமாக்க வேண்டும் என அந்தந்த நடிகர்களின் ரசிகர்கள் தீவிர முயற்சியில் உள்ளனர் என்பது குறிப்பிடத்தக்கது.
இந்த நிலையில் தளபதி விஜய் நடிக்கவிருக்கும் அடுத்த திரைப்படமான ’தளபதி 67’ படத்தின் படப்பிடிப்பு ஜனவரி முதல் வாரம் முதல் தொடங்க இருப்பதாக தகவல்கள் வெளியாகியுள்ளன. அதேபோல் அஜித் நடிக்கவிருக்கும் அடுத்த திரைப்படமான ’ஏகே 62’ படத்தின் படப்பிடிப்பு ஜனவரி மூன்றாவது வாரம் தொடங்க உள்ளதாக கூறப்படுகிறது.
இரண்டு படங்களின் படப்பிடிப்புகளும் கிட்டத்தட்ட ஒரே நேரத்தில் தொடங்குவதை பார்க்கும்போது இந்த இரண்டு படங்களுமே அடுத்த ஆண்டு தீபாவளி தினத்தை குறிவைத்து படப்பிடிப்புகள் நடத்தப்படும் என தெரிகிறது. எனவே ’வாரிசு’ மற்றும் ’துணிவு’ படங்களை அடுத்து ’தளபதி 67’ மற்றும் ’ஏகே 62’ படங்கள் வரும் தீபாவளி அன்று மோதுமா? என்பதை பொறுத்திருந்து பார்ப்போம்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Comments