சூப்பர் ஸ்டார் ரஜினிகாந்த் நடித்து வரும் ’வேட்டையன்’ படத்தை இயக்கி வரும் ஞானவேல் இயக்க இருக்கும் அடுத்த படத்தில் பிரபல நடிகர் நடிக்க இருப்பதாக தகவல் கசிந்துள்ளது.

சூர்யா நடித்த ’ஜெய்பீம்’ என்ற திரைப்படத்தை இயற்றியதன் மூலம் திரையுலகின் கவனத்தை பெற்ற ஞானவேல் அவர்களுக்கு அடுத்த படமே சூப்பர் ஸ்டார் ரஜினிகாந்த் நடிக்கும் பட வாய்ப்பு கிடைத்தது என்பதும் ’வேட்டையன்’ என்ற டைட்டில் வைக்கப்பட்டுள்ள இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் தெரிந்தது.

’வேட்டையன்’ படப்பிடிப்பு இன்னும் ஓரிரு மாதங்களில் முடிந்து விடும் என்றும் இந்த படம் இன்னும் சில மாதங்களில் வெளியாக வாய்ப்பு இருப்பதாகவும் கூறப்படுகிறது. இந்த நிலையில் ’வேட்டையன்’ படத்தை முடித்தவுடன் ஞானவேல் இயக்கும் படம் குறித்த தகவல் தற்போது கசிந்துள்ளது. அவரது அடுத்த படத்தில் பிரபல நடிகர் நானி நடிக்க இருப்பதாக தெரிகிறது. இது குறித்த பேச்சுவார்த்தை முடிந்து விட்டதாகவும் ’வேட்டையன்’ படம் ரிலீசுக்கு பிறகு இது குறித்து அறிவிப்பு வெளியாகும் என்றும் கூறப்படுகிறது.

தமிழ் தெலுங்கு ஆகிய இரு மொழிகளில் இந்த படத்தை உருவாக்க ஞானவேல் முடிவு செய்யப்பட்டிருப்பதாகவும் தெலுங்கு திரையுலகின் முன்னணி தயாரிப்பு நிறுவனம் இந்த படத்தை தயாரிக்க இருப்பதாகவும் கூறப்படுகிறது.

நடிகர் நானி தற்போது ’சரிபோதா சனிவாரம்’ என்ற படத்தில் நடித்துக் கொண்டிருக்கும் நிலையில் இந்த படம் ஆகஸ்ட் மாதம் வெளியாக உள்ளது. இதையடுத்து ஞானவேல் படத்தில் நானி இணைவார் என்று எதிர்பார்க்கப்படுகிறது.