ரஜினி பிறந்த நாளில் ஐஸ்வர்யா தனுஷ் வெளியிடும் ஆப்பிள் பாக்ஸ்
- IndiaGlitz, [Thursday,November 24 2016]
சூப்பர் ஸ்டார் ரஜினியின் மகளும், நடிகர் தனுஷின் மனைவியுமான ஐஸ்வர்யா தனுஷ் ஏற்கனவே இரண்டு படங்கள் இயக்கி முடித்துள்ள நிலையில் விரைவில் மூன்றாவது படத்தை இயக்கவுள்ளார். இந்நிலையில் அவர் தன்னுடைய வாழ்க்கையில் நடந்த முக்கிய சம்பவங்களை தொகுத்து ஒரு புத்தகம் எழுதியுள்ளார்.
'Standing on the Apple Box' என்ற பெயரில் எழுதப்பட்டுள்ள இந்த புத்தகம் வரும் டிசம்பர் 12ஆம் தேதி சூப்பர் ஸ்டார் ரஜினி பிறந்த நாளில் வெளியாகவுள்ளது. ஒரு சூப்பர் ஸ்டாரின் மகளாக சிறு வயதில் வளர்ந்தது, ஒரு புகழ் பெற்ற நடிகரை திருமணம் செய்து கொண்டது உள்பட பல நினைவுகளை அவர் இந்த புத்தகத்தில் பதிவு செய்துள்ளாராம்.
இந்த புத்தகம் திட்டமிட்டு எழுதப்பட்டது அல்ல என்றும், ஐஸ்வர்யாவுக்கு கடந்த சில வருடங்களாக ரெகுலராக டைரி எழுதும் பழக்கம் இருந்ததாகவும், அந்த டைரிகளின் தொகுப்புகளே இந்த புத்தகம் என்றும் கூறப்படுகிறது. இந்த புத்தகத்தின் உரிமையை Harper Collins என்றா நிறுவனம் பெற்றுள்ளது என்பது குறிப்பிடத்தக்கது.