'வேதாளம்': அஜீத் உறவினர்களுக்காக சிறப்பு காட்சி
- IndiaGlitz, [Thursday,November 05 2015]
அஜீத் நடித்த 'வேதாளம்' திரைப்படம் வரும் தீபாவளி தினத்தில் உலகம் முழுவதும் பெருவாரியான திரையரங்குகளில் ரிலீஸ் ஆகவுள்ளது. இந்த படத்தின் ரிசர்வேஷன் ஆரம்பமாகி ஒருசில நிமிடங்களில் முதல் நாளுக்குரிய காட்சிகள் அனைத்தும் விற்று தீர்ந்து சாதனை புரிந்துள்ளது.
இந்நிலையில் இவ்வார இறுதியில் 'வேதாளம்' படத்தின் சிறப்பு காட்சி ஒன்றுக்கு ஏற்பாடு செய்யப்பட்டிருப்பதாகவும், இந்த காட்சியை அஜீத்தின் குடும்பத்தினர், நெருங்கிய உறவினர்கள் மற்றும் நண்பர்கள் பார்க்கவுள்ளதாகவும் கூறப்படுகிறது.
'வேதாளம்' படத்தின் ஃபைனல் காப்பிக்காக படக்குழுவினர் இரவுபகலாக பணிபுரிந்து வருவதாகவும், ஃபைனல் காப்பி ரெடியானதும் இந்த காட்சி நடைபெறும் என்றும் கூறப்படுகிறது.
இந்நிலையில் இதே தேதியில் வெளியாகும் 'தூங்காவனம்' படத்தின் ஃபைனல் காப்பி ரெடியாகி திரையரங்குகளுக்கு அனுப்ப தயார் நிலையில் வைக்கப்பட்டுள்ளதாக கூறப்படுகிறது.