சூர்யா நடித்து வரும் ‘கங்குவா’ படத்தை சமீபத்தில் அஜித் பார்த்ததாகவும் அந்த படத்தை பார்த்த பின் அவர் அதிரடி முடிவு எடுத்ததாகவும் கூறப்படுகிறது.

சூர்யா நடிப்பில், சிறுத்தை சிவா இயக்கத்தில், தேவிஸ்ரீ பிரசாத் இசையில் உருவாகி வரும் ‘கங்குவா’ படத்தின் படப்பிடிப்பு சமீபத்தில் முடிவடைந்து தற்போது கம்ப்யூட்டர் கிராபிக்ஸ் உட்பட தொழில்நுட்ப பணிகள் விறுவிறுப்பாக நடைபெற்று வருகிறது.

இந்த படத்தின் ப்ரமோஷன் பணிகள் விரைவில் தொடங்கும் என்றும் இன்னும் ஒரு சில வாரங்களில் இந்த படம் வெளியாகும் தேதி குறித்து அறிவிப்பு வெளியாக உள்ளதாகவும் கூறப்படுகிறது.

இந்த நிலையில் ‘கங்குவா’ படத்தின் சில காட்சிகளை அஜித் பார்த்ததாகவும் அதை பார்த்தவுடன் அவர் ஆச்சரியம் அடைந்து சிறுத்தை சிவாவுக்கு தனது வாழ்த்துக்களை தெரிவித்ததாகவும் தெரிகிறது. மேலும் இந்த படத்தை பார்த்தவுடன் அவர் கண்டிப்பாக நாம இருவரும் ஒரு படத்தில் மீண்டும் இணைவோம் என்று அஜித் கூறியதாகவும் தெரிகிறது.

எனவே தற்போது அஜித் நடித்த வரும் ’விடாமுயற்சி’ மற்றும் ‘குட் பேட் அக்லி’ ஆகிய இரண்டு படங்களை அடுத்து சிறுத்தை சிவா இயக்கத்தில் உருவாகும் படத்தில் நடிக்க வாய்ப்பு இருப்பதாக கூறப்படுகிறது.

ஏற்கனவே அஜித் நடித்த ’வீரம்’ ‘வேதாளம்’ ’விவேகம்’ மற்றும் ‘விஸ்வாசம்’ ஆகிய 4 படங்களை சிறுத்தை சிவா இயக்கிய நிலையில் மீண்டும் இருவரும் இணைந்தால் ரசிகர்களுக்கு ஒரு செம விருந்து காத்திருக்கும் என்பது குறிப்பிடத்தக்கது.