'வீரம்' சிவா இயக்கத்தில் அஜீத் நடித்து வரும் 'தல 56' திரைப்படத்தின் படப்பிடிப்பு கிட்டத்தட்ட நிறைவடையும் நிலையில் உள்ளது. இன்னும் ஒருசில வசனக்காட்சிகளின் படப்பிடிப்பும், ஒரே ஒரு பாடல் மட்டுமே படமாக்க வேண்டிய நிலையில் உள்ளது.

இந்நிலையில் அஜீத்தின் புதிய கெட்டப் குறித்த தகவல் வெளிவந்துள்ளது. ஏற்கனவே சால்ட் அண்ட் பெப்பர் கெட்டப்பில் லட்சுமி மேனனுடன் அஜீத் தோன்றும் கெட்டப்பும், சமீபத்தில் ரெட்' பட கெட்டப்பிலும் ஸ்டில்கள் வெளிவந்துள்ளது என்பதை அனைவரும் அறிவோம். இந்நிலையில் இந்த படத்தின் கிளைமாக்ஸில் மூன்றாவதாக புதிய கெட்டப் ஒன்றில் அஜீத் தோன்றுவதாக கூறப்படுகிறது.

இந்த கெட்டப்பில் அஜீத் காதில் தோடு, கையில் பிரேசிலேட் மற்றும் குர்தா உடையில் வித்தியாசமான ஹேர்ஸ்டைலில் இருப்பதாக கிளைமாக்ஸ் காட்சியின் படப்பிடிப்பை நேரில் பார்த்தவர்கள் கூறுகின்றனர். எனவே இந்த படத்தில் அஜீத் மூன்று வித்தியாசமான கெட்டப்புகளில் தோன்றவுள்ளார் என்பது கிட்டத்தட்ட உறுதியாகியுள்ளது.

அஜீத், லட்சுமி மேனன், ஸ்ருதிஹாசன், சூரி, கபீர்சிங், ராகுல் தேவ், தம்பி ராமையா உள்பட பலர் நடித்து வரும் இந்த படத்திற்கு அனிருத் இசையமைத்துள்ளார். ஏ.எம். ரத்னம் தயாரித்து வரும் இந்த திரைப்படம் 'தல' ரசிகர்களுக்கு தீபாவளி விருந்தாக வெளிவரவுள்ளது.