ఆ డైరెక్ట‌ర్ కోసం అఖిల్ వెయిటింగ్..
- IndiaGlitz, [Saturday,November 28 2015]
అక్కినేని అఖిల్ న‌టించిన తొలి చిత్రం ఏమాత్రం ఆక‌ట్టుకోలేక‌పోయింది. దీంతో అఖిల్ రెండో సినిమాతో ఖ‌చ్చితంగా విజ‌యం సాధించాలి. అందుకోసం మాట‌ల మాంత్రికుడు త్రివిక్ర‌మ్ శ్రీనివాస్ అయితేనే క‌రెక్ట్ అని ఫిక్స్ అయిన‌ట్టు స‌మాచారం. త్రివిక్ర‌మ్ ప్ర‌స్తుతం నితిన్ తో అ ఆ మూవీ చేస్తున్నాడు. ఈ చిత్రం జ‌న‌వ‌రికి పూర్త‌వుతుంది. ఫిబ్ర‌వ‌రిలో రిలీజ్ అవుతుంది.
ఈ మూవీ త‌ర్వాత త్రివిక్ర‌మ్ అఖిల్ తో సినిమా చేయ‌డానికి అంగీక‌రించార‌ట. అఖిల్, త్రివిక్ర‌మ్ ల క్రేజీ కాంబినేష‌న్లో రూపొందే ఈ మూవీని డి.వి.వి.దాన‌య్య నిర్మించ‌నున్నారు. డి.వి.వి ఎంట‌ర్ టైన్మెంట్స్ బ్యాన‌ర్ పై రూపొందే ఈ చిత్రం జ‌న‌వ‌రి నెలాఖ‌రున ప్రారంభించే అవ‌కాశం ఉంది. ఇదే క‌నుక నిజ‌మైతే అఖిల్..మాట‌ల మాంత్రికుడు త్రివిక్ర‌మ్ తో విజ‌యం సాధించ‌డం ఖాయం.