టాలీవుడ్ యంగ్ హీరో, స్టైలిష్ స్టార్ అల్లు అర్జున్, పూజా హేగ్దే నటీనటులుగా మాటల మాంత్రికుడు త్రివిక్రమ్ దర్శకత్వంలో వస్తున్న చిత్రం ‘అల వైకుంఠపురంలో..’. ఇప్పటికే దాదాపు షూటింగ్ పూర్తి చేసుకున్న ఈ చిత్రాన్ని సంక్రాంతికి చిత్రబృందం థియేటర్లలోకి తీసుకురానుంది. ఇప్పటికే రెండు సాంగ్స్, లుక్స్, పూజా పాత్ర ఎలా ఉంటుందో తెలిసిపోయింది. ‘సామజ వరగమన’.. ‘రాములో రాముల’ ఈ రెండు సాంగ్స్ యూట్యూబ్‌ను షేక్ చేస్తున్నాయి. సినిమా రిలీజ్‌కు మూడ్నెళ్లు ముందే ప్రమోషన్స్ షురూ చేసిన మాటల మాంత్రికుడు శరవేగంగా దూసుకెళ్తున్నాడు. అయితే.. ఇప్పటి వరకూ సినిమాకు సంబంధించిన అప్డేట్స్ ఓ లెక్క.. రేపు అనగా నవంబర్-14న రాబోయే అప్డేట్ ఓ లెక్క అంట.

బన్నీ, మెగా ఫ్యాన్స్‌కు సర్‌ఫ్రైజ్ ఇవ్వడానికి చిత్రబృందం సిద్ధమవుతోంది. రేపు ‘చిల్డ్రన్స్ డే’ కావడంతో దీన్ని సందర్భాన్ని పురస్కరించుకుని ఉదయం 10 గంటలకు సినిమా నుంచి మూడో సాంగ్ టీజర్‌ వదలబోతున్నారు. ‘ఓ మై గాడ్ డాడీ’ అంటూ ఈ సాంగ్ టీజర్ సాగనుంది. ఇందుకు సంబంధించిన పోస్టర్ సైతం చిత్రబృందం విడుదల చేసింది. ఇందులో #OMGdaddy అనే హ్యాష్‌టాగ్ రాసుంది. ఈ సాంగ్ టీజర్లో ఇద్దరు అంటే చిన్ననాటి బన్నీ, తండ్రి పాత్రలో ఎవరు నటిస్తారనేది రేపు టీజర్‌సాంగ్‌లో తెలుస్తుందన్న మాట. ఇదిలా ఉంటే.. బన్నీ ఇద్దరు పిల్లలకి సంబంధించిన వీడియో బైట్‌పై ఈ సాంగ్‌ను రన్ చేస్తారని సన్నిహితులు చెబుతున్నారు. మరి ఆ సర్‌ఫ్రైజ్ ఏంటో తెలియాలంటే రేపు 10 గంటల వరకు వేచి చూడాల్సిందే మరి.

#OMGDaddy teaser, Out tomorrow at 10am on the occasion of #ChildrensDay.

#AlaVaikunthapurramuloo #AVPL3rdSingle @alluarjun #Trivikram @hegdepooja @MusicThaman #Tabu #Jayaram @adityamusic @haarikahassine @GeethaArts @vamsi84 pic.twitter.com/zy2psPNgw5

— IndiaGlitz™ l Telugu (@igtelugu) November 13, 2019