கோலிவுட் திரையுலகில் வளர்ந்து வரும் முன்னணி நடிகைகளில் ஒருவராகிய கீர்த்திசுரேஷ் குறுகிய காலத்தில் இளையதளபதி விஜய்யுடன் 'பைரவா' மற்றும் சூர்யாவுடன் 'தானா சேர்ந்த கூட்டம்' ஆகிய படங்களில் நடித்துள்ளார்.

இந்த நிலையில் நேற்று அவர் சேலத்தில் ஒரு நகைக்கடை திறப்பு விழாவில் கலந்து கொண்டார். அப்போது அங்கு கூடியிருந்த ரசிகர்கள் முன் அவர் பேசியதாவது:

சேலத்திற்கு முதன்முறையாக வந்துள்ளேன். ரொம்ப சந்தோஷமாக இருக்கின்றது. சேலம் ரசிகர்கள் என் மீது வைத்துள்ள அன்புக்கும், ஆதரவுக்கும் எனது மனமார்ந்த நன்றியை தெரிவித்து கொள்கிறேன். உங்களது அன்பை சொல்வதற்கு வார்த்தைகள் இல்லை. என்னை பார்க்க, வாழ்த்த வந்த ரசிகர்களுக்கு நன்றி தெரிவித்து கொள்கிறேன்.

'பைரவா' படத்தில் இளையதளபதி விஜய்யுடன் இணைந்து நடித்தேன். அஜித்துடன் விரைவில் நடிப்பேன். சூர்யாவுடன் நடித்த 'தானா சேர்ந்த கூட்டம்' என்ற படம் விரைவில் வெளியாகவுள்ளது. அடுத்து விஷாலுடன் 'சண்டக்கோழி 2' படத்தில் நடிக்கிறேன்' என்று கூறினார். பின்னர் ரசிகர்களின் வேண்டுகோளுக்கு இணங்க 'ரஜினிமுருகன்' பாடல் ஒன்றுக்கு அவர் நடனமாடினார்.