అమలాపాల్ బాలీవుడ్ ఎంట్రీ...
- IndiaGlitz, [Saturday,March 03 2018]
సాధార‌ణంగా ప‌లువురు ద‌క్షిణాది తార‌లు బాలీవుడ్ సినిమాల్లో న‌టించాల‌ని ఆశ ప‌డుతుంటారు. ఆ దిశ‌గా అడుగులు వేస్తుంటారు. ఇప్పుడు వీరి బాట‌లోనే అమలాపాల్ బాలీవుడ్ ఎంట్రీ ఇవ్వ‌నుంది. వివ‌రాల్లోకెళ్తే.. అర్జున్ రాంపాల్ హీరోగా న‌రేశ్ మ‌ల్హోత్రా ద‌ర్శ‌క‌త్వంలో తెర‌కెక్క‌బోయే సినిమాలో అమలాపాల్ న‌టించ‌నుంద‌ట.
ద‌ర్శ‌కుడు విజ‌య్‌ను పెళ్లి చేసుకుని.. గొడ‌వ‌ప‌డి విడాకులు తీసుక‌న్న అమలాపాల్ ఓ కారు దొంగ రిజిస్ట్రేష‌న్ వ్య‌వ‌హారం, ఐటీ శాఖ దాడులు వంటి విష‌యాల కార‌ణంగా వార్త‌ల్లో వ్య‌క్తిగా నిలిచింది. స‌మ‌స్య‌లు చుట్టూ ఉన్న అమలాపాల్ కెరీర్ ప‌రంగా ఏమాత్రం వెన‌క‌ప‌డ‌లేదు. వరుస అవ‌కాశాల‌ను ద‌క్కించుకుంటుంది. అమలాపాల్ బాలీవుడ్ రంగ ప్ర‌వేశం గురించి త్వ‌ర‌లోనే అధికారిక స‌మాచారం రానుంది.