'தலைவா' படத்திற்கு பின்னர் மீண்டும் இணைந்த விஜய்-அமலா
- IndiaGlitz, [Monday,July 20 2015]
இயக்குனர் ஏ.எல்.விஜய் இயக்கிய 'தலைவா' படத்தில் விஜய்க்கு ஜோடியாக அமலாபால் நடித்திருந்தார். இந்த படத்திற்கு பின்னர் இயக்குனர் விஜய்யை திருமணம் செய்து கொண்ட அமலாபால், சினிமாவில் நடிப்பதை குறைத்து கொண்டார். ஆனாலும் சமீபத்தில் தயாரிப்பாளராக மாறி, பிரியதர்ஷன் இயக்கும் அடுத்த படத்தை தயாரித்து வருகிறார்.
இந்நிலையில் மீண்டும் விஜய்யுடன் நடிக்கும் வாய்ப்பை அமலாபால் பெற்றுள்ளார். ஆனால் இம்முறை அவர் நடிப்பது திரைப்படத்தில் அல்ல, விளம்பரப்படத்தில் என்பது குறிப்பிடத்தக்கது.
விஜய் பிரபல நகைக்கடை ஒன்றின் பிராண்ட் அம்பாசிடர் என்பது அனைவரும் அறிந்ததே. இந்நிலையில் அந்த நகைக்கடையின் புதிய விளம்பர படம் ஒன்று தற்போது எடுக்கப்பட்டு வருவதாகவும், இந்த விளம்பரப்படத்தில் விஜய்க்கு ஜோடியாக அமலாபால் நடித்திருப்பதாகவும் கூறப்படுகிறது. இந்த விளம்பர படத்தின் புகைப்படங்கள் தற்போது இணையதளத்தில் வெளியாகியுள்ளது. விரைவில் இந்த விளம்பரம், தொலைக்காட்சிகளில் ஒளிபரப்பாகும் என கூறப்படுகிறது.