రవిప్రకాష్ను జైల్కు పంపేందుకు మరో సీక్రెట్ ఎఫ్ఐఆర్!?
- IndiaGlitz, [Friday,July 12 2019]
టీవీ9 మాజీ సీఈవో రవిప్రకాష్పై ఇప్పటికే పలు కేసులు బనాయించిన సంగతి తెలిసిందే. వీటిలోని ఏ కేసూ రుజువు కాకపోవడం.. మరోవైపు రవిప్రకాష్ను విచారణ అంటూ పలు పోలీస్ స్టేషన్లకు వెళ్తున్నారు. ఈ ప్రాసెస్ ఇంకా జరుగుతూనే ఉంది.. ఎప్పుడు..? ఎక్కడ..? ఫుల్స్టాప్ పడుతుందో కూడా అర్థం కాని పరిస్థితి. అయితే రవిప్రకాష్ను ఎలాగైనా సరే జైల్లో పెట్టించడమే టార్గెట్గా పెట్టుకున్న మై హోమ్స్ అధినేత రామేశ్వరరావు, మెగా కృష్ణారెడ్డి తాజాగా మరో తప్పుడు కేసు బనాయించినట్లు పెద్ద ఎత్తున వార్తలు వస్తున్నాయి. ఆ కేసు కూడా చాలా సీక్రెట్గా ఎఫ్ఐఆర్ను తయారు చేసినట్లు తెలుస్తోంది. ఇదివరకున్న మూడు కేసులు ఎటూ తేలకపోవడంతో ఈ కుట్రకు తెరలేపారని సమాచారం.
ఈ విషయం తెలుసుకున్న రవిప్రకాష్ అనుచరులు, పలువురు సన్నిహితులు ఆరా తీయగా నిజమని తేలిందట. ఈ పక్కా సమాచారాన్ని ఓ కమిషనర్ స్థాయి ఉన్నతాధికారి నుంచి రవిప్రకాష్ సన్నిహితులు తెలుసుకున్నారని తెలుస్తోంది. దీంతో నిజంగానే రవిప్రకాష్పై ఈ అక్రమ కేసు బనాయించి ఇబ్బంది పెడితే పరిణామాలు వేరేగా ఉంటాయని తేల్చిచెబుతున్నారు. రవిప్రకాశ్ను ఎటువంటి వేధింపులకు గురిచేసినా జర్నలిస్టులు రోడ్డు మీదికొచ్చి ధర్నాలు చేస్తామని చెబుతున్నారు. అంతేకాదు.. తెలంగాణా పోరాటాలు చేసిందని.. మా గొంతులేనని ఇప్పుడు అదే గొంతును నులిమేయించుకోవడానికి సరికాదని చెబుతున్నారు. తెలంగాణ సమాజంలో తమకు పోరాటాలేమీ కొత్త కాదని.. పోరాటానికి వెనకాడే ప్రసక్తే లేదని జర్నలిస్టులు తేల్చిచెబుతున్నారు.
అయితే ఈ సీక్రెట్ కేసు ఎంత వరకు నిజం..? ఎవరైనా కావాల్సిందే ఇలా పుకార్లు పుట్టిస్తున్నారా..? లేకుంటే ఈ వ్యవహారం ఏదైనా జరుగుతోందా..? అనేది తెలియాలంటే మరికొన్ని రోజులు వేచి చూడాల్సిందే మరి.