இசைப்புயல் ஏஆர் ரகுமான் சமீபத்தில் சென்னையில் ’மறக்குமா நெஞ்சம்’ என்ற இசை நிகழ்ச்சியை நடத்தினார் என்பதும் இந்த இசை நிகழ்ச்சியில் ஏற்பட்ட குளறுபடி காரணமாக இந்த இசை நிகழ்ச்சியை நடத்த ஏற்பாடு செய்த நிறுவனத்தின் மீது போலீசார் வழக்கு பதிவு செய்தனர் என்பது தெரிந்ததே.

மேலும் இந்த இசை நிகழ்ச்சியில் நடந்த குளறுபடிக்கு பொறுப்பேற்ற ஏஆர் ரஹ்மான் மன்னிப்பு கேட்டதோடு, டிக்கெட் வாங்கி இந்த இசை நிகழ்ச்சியை பார்க்க முடியாதவர்களுக்கு மீண்டும் பணம் திருப்பி கொடுக்க ஏற்பாடு செய்யப்படும் என்றும் தெரிவித்திருந்தார்.

இந்த நிலையில் இந்த சம்பவத்தை ரசிகர்கள் கொஞ்சம் கொஞ்சமாக மறந்து வரும் நிலையில் சற்றுமுன் ஏஆர் ரகுமான் தனது சமூக வலைதள பக்கத்தில் இந்த இசை நிகழ்ச்சியில் நடந்த சில சுவாரஸ்யமான காட்சிகளை வீடியோவாக வெளியிட்டுள்ளார். நான்கு நிமிடத்திற்கு மேல் இருக்கும் இந்த வீடியோவில் ஏஆர் ரகுமானின் முதல் படமான ’ரோஜா’ படத்தில் இடம்பெற்ற ’சின்ன சின்ன ஆசை’ பாடல் முதல் சமீபத்தில் வெளியான ’பொன்னியின் செல்வன்’ படத்தில் இடம் பெற்ற பாடல் வரை பாடகர் பாடகியர்கள் பாடிய காட்சிகள் உள்ளன. ஏஆர் ரகுமானும் அவரது மகனும் சில பாடல்கள் பாடி உள்ளனர்.

இவ்வளவு அருமையாக நடந்த இந்த இசை நிகழ்ச்சியில் குளறுபடி மட்டும் ஏற்படாமல் இருந்திருந்தால் மிகப்பெரிய அளவில் இந்த இசை நிகழ்ச்சி பாராட்டப்பட்டு இருக்கும் என்பது குறிப்பிடத்தக்கது

Chennai concert highlights! pic.twitter.com/fjJrnYHl4W

— A.R.Rahman (@arrahman) September 24, 2023