நாளை முதல் ஏ.ஆர்.ரஹ்மானின் அடுத்த மேஜிக் ஆரம்பம்
- IndiaGlitz, [Thursday,November 29 2018]
இன்று வெளியான சூப்பர் ஸ்டார் ரஜினியின் '2.0' படத்தில் ஆஸ்கார் நாயகன் ஏ.ஆர்.ரஹ்மான், ஒரு இசை மாயஜாலமே நடத்தி அனைவரையும் ஆச்சரியப்படுத்தியுள்ள நிலையில் நாளை முதல் அவருடைய இன்னொரு மாயஜாலம் ஆரம்பமாகவுள்ளது.
ஆம், ஏ.ஆர்.ரஹ்மான் இசையமைத்த 'சர்வம் தாளமயம்' திரைப்படத்தின் சிங்கிள் பாடல் நாளை மாலை 6 மணிக்கு வெளியாகவுள்ளது. இந்த படம் இசையை மையமாக கொண்ட படம் என்பதால் இந்த படத்தின் பாடல்கள் வேற லெவலில் இருக்கும் என எதிர்பார்க்கப்படுகிறது.
ஜிவி பிரகாஷ், அபர்ணா பாலமுரளி, நெடுமுடி வேணு, வினீத் உள்பட பலர் நடித்துள்ள இந்த படத்தை ராஜீவ் மேனன் இயக்கியுள்ளார். ரவி யாதவ் ஒளிப்பதிவில், அந்தோணி படத்தொகுப்பில் உருவாகி வரும் இந்த படம் வரும் டிசம்பரில் வெளியாகவுள்ளது.