சீயான் விக்ரம் நடிப்பில் கமல்ஹாசன் தயாரிப்பில் உருவாகி வரும் 'கடாரம் கொண்டான்' திரைப்படத்தின் முதல்கட்ட படப்பிடிப்பு கடந்த சில நாட்களுக்கு முன் மலேசியாவில் தொடங்கி விறுவிறுப்பாக நடைபெற்று வந்தது. இந்த நிலையில் இந்த படத்தின் முதல்கட்ட படப்பிடிப்பு நிறைவு பெற்றதாக இந்த படத்தின் இயக்குனர் ராஜேஷ் எம்.செல்வா தெரிவித்துள்ளார்.

இதுகுறித்து அவர் தனது சமூக வலைத்தளத்தில், 'கடாரம் கொண்டான்' முதல் ஷெட்யூல் முடிந்தது. மிகக்குறுகிய நேரத்தில் இந்த படப்பிடிப்பை முடிப்பது சவாலாக இருந்தது. ஆனால் ராஜ்கமல் பிலிம்ஸ், டிரைடெண்ட் ஆர்ட்ஸ் மற்றும் சீயான் விக்ரம் அளித்த ஒத்துழைப்பால் அது சாத்தியமானது. எங்கள் மீது நம்பிக்கை வைத்து மிகப்பெரிய பொருப்பை வழங்கிய கமல் அவர்களுக்கு எனது நன்றி' என்று இயக்குனர் ராஜேஷ் எம்.செல்வா தெரிவித்துள்ளார்.

விக்ரமுக்கு ஜோடியாக கமல்ஹாசனின் மகள் அக்சராஹாசன் நடிக்கவுள்ள இந்த படத்திற்கு ஜிப்ரான் இசையமைக்கவுள்ளார். த்ரில் மற்றும் சஸ்பென்ஸ் படமாக உருவாகவுள்ள இந்த படத்தின் ஃபர்ஸ்ட்லுக் சமீபத்தில் வெளிவந்து பெரும் வரவேற்பை பெற்றது என்பது குறிப்பிடத்தக்கது.

KK@KL schedule wrap..! It ws really a tough schdle wth less turnover time fr the crew. The support frm the entire RKFI crew, Trident arts & our own Chiyaan hve made us to grab some exciting footage. Thnks to Kamal sir for inspiring us constantly & thnks from the team sir..! pic.twitter.com/hnjZwVkfOA

— RMS (@RajeshMSelva) November 28, 2018