'பீஸ்ட்' படத்தின் ரிலீஸ் உரிமையை கைப்பற்றியது இந்த பிரபல நடிகரா?
- IndiaGlitz, [Tuesday,December 21 2021]
தளபதி விஜய் நடித்து முடித்துள்ள ’பீஸ்ட்’ படத்தின் தெலுங்கு ரிலீஸ் உரிமையை பிரபல தெலுங்கு நடிகரின் நிறுவனம் ஒன்று பெற்றுள்ளதாக தகவல்கள் வெளியாகியுள்ளன.
தளபதி விஜய் நடிப்பில், இயக்குனர் நெல்சன் இயக்கத்தில், சன் பிக்சர்ஸ் நிறுவனத்தின் பிரமாண்டமான தயாரிப்பில், அனிருத் இசையில் உருவான திரைப்படம் ’பீஸ்ட்’. இந்த படத்தின் படப்பிடிப்பு சமீபத்தில் முடிவடைந்து தற்போது போஸ்ட் புரொடக்ஷன் பணிகள் நடந்து வருகிறது என்பது குறிப்பிடத்தக்கது.
இந்த நிலையில் இந்த படத்தின் தெலுங்கு மாநில ரிலீஸ் உரிமையை சுரேஷ் புரொடக்ஷன்ஸ் நிறுவனம் பெற்றுள்ளதாக தகவல்கள் வெளியாகியுள்ளன. இந்த நிறுவனம் பிரபல தெலுங்கு நடிகர் ராணாவின் தந்தையும், பிரபல தெலுங்கு நடிகர் வெங்கடேஷின் சகோதரரான சுரேஷ்பாபு என்பவருக்கு சொந்தமானது என்பதும் இந்த நிறுவனத்தில் வெங்கடேஷூம் பங்குதாரர் என்று கூறப்படுகிறது.
’பீஸ்ட்’ படத்தின் தெலுங்கு மாநில உரிமையை சுரேஷ் புரடொக்சன்ஸ் நிறுவனம் பெற்றுள்ள தகவல் உறுதி செய்யப்பட்டால் ஆந்திரா மற்றும் தெலுங்கானா மாநிலங்களில் ’பீஸ்ட்’ திரைப்படம் மிகப்பெரிய அளவில் ரிலீஸ் ஆகும் என்பது குறிப்பிடத்தக்கது. ஏற்கனவே தளபதி விஜய் நடித்த ’மாஸ்டர்’ மற்றும் ’பிகில்’ ஆகிய திரைப்படங்கள் தெலுங்கு மாநிலங்களில் மிகப் பெரிய வெற்றியைப் பெற்று வசூலை வாரி குவித்தது என்பது குறிப்பிடத்தக்கது.