பிக்பாஸ்: பைத்தியங்களாக மாறும் பங்கேற்பாளர்கள்
- IndiaGlitz, [Tuesday,August 01 2017]
பிக்பாஸ் நிகழ்ச்சியின் பார்வையாளர்களுக்கு அவ்வப்போது டாஸ்க் கொடுத்து அவர்களது திறமை நிரூபிக்கப்பட்டு வருகிறது. இந்த நிலையில் நேற்று கொடுத்த ஒரு டாஸ்க்கில் அனைவரும் பைத்தியமாக இருப்பதாகவும் முதலில் யார் குணமாகி வெளியே செல்வது, யாருக்கு ஷாக் ட்ரீட்மெண்ட் கொடுப்பது, யாருக்கு அதிக மருந்து மாத்திரைகள் தேவைப்படும் என்பது குறித்து கருத்து கேட்கப்பட்டது. எதிர்பார்த்தபடியே இந்த டாஸ்க்கிலும் ஓவியாவை மற்ற பங்கேற்பாளர்கள் மறைமுகமாக பழிவாங்கினார்கள்.
இந்த நிலையில் சற்றுமுன் வெளியாகியுள்ள புரமோ வீடியோ ஒன்றில் அனைவருமே பைத்தியமாக மாறிவுள்ளனர். ஒருபக்கம் காயத்ரி டான்ஸ் கற்று கொடுப்பது போலவும், இன்னொரு பக்கம் ஜூலி போராட்டம் நடத்துவது போலவும் அந்த வீடியோவில் உள்ளது. மேலும் மேக்கப் பைத்தியம் ரைசா, சினேகனுக்கு லிப்ஸ்டிக் போட்டுவிடுவது, சினேகனை ஜூலி தலை அமுக்கிவிடுவது, ஓவியாவின் தோளில் சினேகன் சாய்வது, ஆரவ்வின் முதுகில் சினேகன் ஏறி குதிப்பது, சக்தி பலூன் ஊத, இவர்களை அடக்கும் டாக்டராக வையாபுரியும் இருப்பதாக அந்த வீடியோவில் தெரிகிறது.
பைத்தியமாக நடிக்கும் இந்த டாஸ்க்கிலும் பங்கேற்பாளர்கள் தங்கள் உண்மையான சுயரூபத்தை வெளிப்படுத்துவார்களா? என்பதை இன்று இரவு வரை பொறுத்திருந்து பார்ப்போம்.
இருக்கு! இன்னிக்கு நிறைய #FUN இருக்கு! 🤣😝 @Vivo_India #BiggBossTamil #VivoBiggBoss pic.twitter.com/ffUkgbV51s
— Vijay Television (@vijaytelevision) August 1, 2017