close
Choose your channels

விஷ்ணு விஷால் தம்பி படத்தில் நாயகியாகும் பாலிவுட் நடிகை..  முழுக்க முழுக்க ரொமான்ஸ் காமெடி படம்..!

Monday, February 12, 2024 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

விஷ்ணு விஷால் சகோதரர் ருத்ரா என்பவர் ஒரு தமிழ் திரைப்படத்தில் அறிமுகம் ஆகிறார் என்பதை ஏற்கனவே பார்த்தோம். இந்த நிலையில் இந்த படத்தில் பாலிவுட் நடிகை தமிழில் அறிமுகமாகிறார் என்றும் இந்த படம் முழுக்க முழுக்க ரொமான்ஸ் மற்றும் காமெடி கதை அம்சம் கொண்டது என்றும் தெரியவந்துள்ளது.

விஷ்ணு விஷால் ஸ்டுடியோஸ் நிறுவனம் தனது அடுத்த திரைப்படத்தினை, ரோமியோ பிக்சர்ஸ் உடன் இணைந்து வழங்கும், இணைந்து தயாரிக்கவுள்ளதை பெருமையுடன் அறிவித்துள்ளது. டி கம்பெனி நிறுவனம் இப்படத்தினை இணை தயாரிப்பு செய்கிறது. நடிகர் விஷ்ணு விஷாலின் தம்பி, கதை நாயகனாக அறிமுகமாகும் இப்படத்திற்கு ‘ஓஹோ எந்தன் பேபி’ எனப் பெயரிடப்பட்டுள்ளது.

விஷ்ணு விஷால் ஸ்டுடியோஸ் நிறுவனம் சார்பில் பிரபல நடிகர் விஷ்ணு விஷால், ரோமியோ பிக்சர்ஸ் நிறுவனத்தின் திரு. ராகுல் உடன் இணைந்து இப்படத்தை தயாரிக்கிறார். டி கம்பெனி நிறுவனத்தின் திரு. கே.வி. துரை இணை தயாரிப்பு செய்கிறார். இளைஞர்களை கவரும் வகையில் கலகலப்பான ரோம் காம் திரைப்படமாக இப்படம் உருவாகவுள்ளது. அமேசான் பிரைமில் மிகவும் பிரபலமான ’மாடர்ன் லவ் சென்னை’ என்ற வெப் சீரிஸுக்காக ‘காதல் என்பது கண்ணுலே ஹார்ட் இருக்குற எமோஜி’ எபிஸோடை இயக்கிய, முன்னணி விளம்பர பட இயக்குநரும், குணச்சித்திர கலைஞருமான கிருஷ்ணகுமார் ராம்குமார் இந்த படத்தை இயக்குகிறார்.

நடிகர் ருத்ரா ‘ஓஹோ எந்தன் பேபி’ திரைப்படம் மூலம் நடிகராக அறிமுகமாகிறார். ருத்ரா முன்னதாக விஷ்ணு விஷால் ஸ்டுடியோஸ் நிறுவனத்தில் தயாரிப்பு நிர்வாக பணிகளிலும், கிரியேட்டிவ் டீமிலும் பணிபுரிந்துள்ளார். ஒரு நடிகராக தனது திறமைகளை கொஞ்சம் கொஞ்சமாக கூர்மைப்படுத்தி கொண்டு, இப்போது நாயகனாக அவதாரம் எடுத்துள்ளார். பாலிவுட் நடிகை மிதிலா பால்கர் கதாநாயகியாக இப்படம் மூலம் தமிழ்த்துறையில் கால் பதிக்கிறார். நெட்பிளிக்ஸ் சீரிஸான லிட்டில் திங்ஸ் மற்றும் கர்வான் மற்றும் திரிபங்கா போன்ற படங்களின் மூலம் பாலிவுட்டில் ஒரு தாக்கத்தை ஏற்படுத்தியவர் மிதிலா என்பது குறிப்பிடத்தக்கது.

’எனை நோக்கிப் பாயும் தோட்டா’ மற்றும் ’முதல் நீ முடிவும் நீ’ ஆகிய படங்களில் அற்புதமான இசையை தந்த தர்புகா சிவா 'ஓஹோ எந்தன் பேபி' படத்திற்கு இசையமைக்கிறார். ’அச்சம் என்பது மடமையடா’ முதல் பல படங்களுக்கு ஒளிப்பதிவு செய்த, டேனி ரேமண்ட் ஒளிப்பதிவு செய்கிறார். பிரணவ் R படத்தொகுப்பு பணிகளை கவனிக்க, ராஜேஷ் கலை இயக்கம் செய்கிறார்.

இப்படத்தின் படப்பிடிப்பு இன்று மாலை படக்குழுவினர் கலந்து கொள்ள, பூஜையுடன் கோலாகலமாக துவங்கியது. படக்குழு அடுத்த இரண்டு வாரங்கள், தொடர்ச்சியாக முதல் ஷெட்யூலுக்கான படப்பிடிப்பை நடத்தவுள்ளது. இப்படத்தின் படப்பிடிப்பை சென்னை, கோவா மற்றும் இந்தியாவின் பல இடங்களில் படமாக்கப் படக்குழு திட்டமிடப்பட்டுள்ளது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.