தல என்று கிரிக்கெட் ரசிகர்களால் அன்புடன் அழைக்கப்படும் இந்திய கிரிக்கெட் அணியின் முன்னாள் கேப்டன் தோனி குறித்து பிரபல கிரிக்கெட் வீரர் பிராவோ அவர்கள் பாடல் ஒன்று பாடியுள்ளது தற்போது சமூக வலைதளத்தில் வைரலாகி வருகிறது.

தல தோனி கேப்டனாக இருந்து வரும் சென்னை சூப்பர் கிங்ஸ் அணியில் புகழ்பெற்ற வீரராக இருப்பவர் மேற்கிந்திய தீவுகள் வீரர் பிராவோ. இவர்கள் இருவரும் இணைந்து பேட்டிங் செய்யும்போது கண்கொள்ளா காட்சியாக இருக்கும் என்பது தெரிந்ததே. மேலும் தோனியின் மிக நெருங்கிய நண்பர்களில் ஒருவர் பிராவோ என்பது குறிப்பிடத்தக்கது.

இந்த நிலையில் தோனியின் புகழ் குறித்து பிராவோ ஒரு பாடலை பாடியுள்ளார். இந்த பாடலை சென்னை சூப்பர் கிங்ஸ் அணி தனது சமூக வலைதளத்தில் வெளியிட்டுள்ளது. தோனியின் புகழ் பாடும் இந்த பாடலை தற்போது தல ரசிகர்கள் சமூக வலைதளங்களில் வைரலாக்கி வருகின்றனர்.

ஏற்கனவே தமிழ் திரைப்படமான ’சித்திரம் பேசுதடி 2’ என்ற திரைப்படத்தில் தமிழ்ப்பாடல் ஒன்றை பாடி அதற்கு பிராவோ நடனம் ஆடியுள்ளார் என்பது குறிப்பிடத்தக்கது.