வைரமுத்துவுக்கு டாக்டர் பட்டமா? பொங்கி எழுந்த சின்மயி!
- IndiaGlitz, [Thursday,December 26 2019]
பாடலாசிரியர் வைரமுத்து மீது பாடகி சின்மயி கடந்த ஆண்டு மீடூ குற்றச்சாட்டு ஒன்றை கூறி பெரும் பரபரப்பை ஏற்படுத்தினார். சின்மயியை தொடர்ந்து மொத்தம் ஒன்பது பெண்கள் வைரமுத்து மீது பாலியல் குற்றச்சாட்டு கூறியதாகவும் செய்திகள் வெளிவந்தது. இதனால் வைரமுத்துவுக்கு சில முன்னணி நடிகர்கள் நடிக்கும் படங்களின் பாடல் எழுத வாய்ப்பு மறுக்கப்பட்ட தாகவும் கூறப்பட்டது.
இந்த நிலையில் ஒரு தனியார் பல்கலைக்கழகம் வைரமுத்துவுக்கு டாக்டர் பட்டம் கொடுக்க முன் வந்துள்ளது. இந்த டாக்டர் பட்டத்தை மத்திய அமைச்சர் ராஜ்நாத் சிங் அவர்கள் வழங்கவிருப்பதாகவும் அழைப்பிதழ் வெளியாகி உள்ளது.
இந்த அழைப்பிதழை தனது சமூக வலைப்பக்கத்தில் பதிவு செய்து குறிப்பிட்டுள்ள பாடகி சின்மயி, ’நான் ஒன்றை இங்கே மீண்டும் சொல்ல விரும்புகிறேன். பெண்களை பாலியல் ரீதியாக துன்புறுத்தியவர்களுக்கு எந்த சேதமும் இல்லை. மாறாக அவர்களுக்கு மரியாதையும் சமூக அந்தஸ்தும் கிடைக்கின்றது. ஆனால் குற்றச்சாட்டை வெளியில் சொன்னவர்களுக்கு வேலை தடைபடுகிறது. அந்த பல்கலைக்கழகம் மாணவர்களுக்கு நல்ல ரோல்மாடலை உதாரணமாக காட்டியுள்ளது’ என்று ஆவேசமாக பொங்கியுள்ளார்.
The Defence Minister of India is conferring an honorary degree to Kavignar Vairamuthy named by 9 women so far for having molested them.
— Chinmayi Sripaada (@Chinmayi) December 26, 2019
Just reiterating - outing KNOWN molesters does NO damage to them. Instead I got banned from working.
1/3 pic.twitter.com/AbAExIAwbA