விஜய் டிவியில் ஒளிபரப்பாக இருக்கும் பிக் பாஸ் தமிழ் சீசன் 6 நிகழ்ச்சியில் கலந்துகொள்ள இருக்கும் போட்டியாளர்கள் குறித்த தகவல்களை அவ்வப்போது பார்த்து வருகிறோம்.

தற்போது வந்த தகவலின்படி இந்த நிகழ்ச்சியில் தொகுப்பாளினி திவ்யதர்ஷினி, பாரதிகண்ணம்மா சீரியல் நடிகை ரோஷினி, குக் வித் கோமாளி போட்டியாளர் தர்ஷா குப்தா, சூப்பர் சிங்கர் போட்டியாளர் ராஜலட்சுமி, சீரியல் நடிகை மைனா நந்தினி, ஐஸ்வர்யா ராஜேஷின் சகோதரர் மணிகண்டன், அமுதவாணன், ஜிபி முத்து, நடிகை மனிஷா யாதவ், நடிகை ஷில்பா மஞ்சுநாத், நடிகை ஸ்ரீப்ரியா, நடிகர் மன்சூர் அலிகான், தொகுப்பாளர் ரக்சன் உள்பட ஒருசிலர் கலந்து கொள்ள இருப்பதாக கூறப்படுகிறது.

இந்த நிலையில் இந்த நிகழ்ச்சியில் பிரபல சினிமா விமர்சகர் கிறிஸ்டோபர் கனகராஜ் கலந்துகொள்ள இருப்பதாக தெரிகிறது. தமிழ் உள்பட பல இந்திய மொழிகளில் திரைப்படங்களை உடனுக்குடன் பார்த்து தனது சமூக வலைத்தளத்தில் விமர்சனம் செய்யும் கிறிஸ்டோபருக்கு பிக்பாஸ் வாய்ப்பு கிடைத்துள்ளது அனைவருக்கும் ஆச்சரியத்தை ஏற்படுத்தி உள்ளது.

கடந்த சீசனில் சினிமா விமர்சகர் அபிஷேக், பிக்பாஸ் நிகழ்ச்சியில் போட்டியாளராக கலந்து கொண்டு நெகட்டிவ் விமர்சனங்களைப் பெற்றது போல் கிரிஸ்டோபரும் பெறுவாரா? அல்லது இந்த நிகழ்ச்சி அவருக்கு திருப்பத்தை ஏற்படுத்துமா? என்பதை பொறுத்திருந்து தான் பார்க்க வேண்டும் என பிக்பாஸ் ரசிகர்கள் கருத்து தெரிவித்து வருகின்றனர்.