విలన్ గా మారుతున్న కమెడియన్ టర్నడ్ హీరో..!
- IndiaGlitz, [Tuesday,October 04 2016]
విలన్ గా మారుతున్న కమెడియన్ టర్నడ్ హీరో...ఎవ‌రో కాదు సునీల్. అవును..ఇది నిజంగా నిజం. ఈ విష‌యాన్ని ఈరోజు స్వ‌యంగా సునీల్ మీడియాకి తెలియ‌చేసారు. అస‌లు సునీల్ విలన్ అవుదామ‌నే ఇండ‌స్ట్రీకి వ‌చ్చాడ‌ట. కానీ...ఇప్ప‌టి వ‌ర‌కు కామెడీ వేషాలు, హీరో వేషాలే వేసాడు. ఇక ఇప్పుడు త‌న కోరికైన విలన్ వేషం వేయ‌డానికి రెడీ అవుతున్నాడ‌ట. అయితే...విలన్ గా న‌టించేది మాత్రం తెలుగు సినిమాల్లో కాదు ప‌ర‌భాషా చిత్రాల్లో న‌టిస్తాను.
ఎందుకంటే...ఇక్క‌డ నేను వేసిన కామెడీ వేషాలు చూసి నన్ను విలన్ గా చూడ‌క‌పోవ‌చ్చు. అందుక‌ని వేరే భాష‌ల్లో విలన్ గా న‌టిస్తాను అని సునీల్ చెప్పారు. ఆల్రెడీ విలన్ గా న‌టించ‌మ‌ని ఆఫ‌ర్స్ వ‌స్తున్నాయ‌ట. అయితే....విలన్ గా ఏ భాష చిత్రంలో న‌టిస్తాను అనేది త్వ‌ర‌లో తెలియ‌చేస్తాను. వ‌చ్చే సంవ‌త్స‌రం మాత్రం విలన్ గా న‌టించ‌డం ఖాయం అని అంటున్నారు సునీల్. మ‌రి...కమెడియన్ గా, క‌థానాయ‌కుడుగా రాణించిన సునీల్ ప్ర‌తి నాయ‌కుడుగా కూడా రాణిస్తాడేమో చూద్దాం..!