விஜய் டிவியில் ஒளிபரப்பாகி வரும் ‘குக் வித் கோமாளி’ என்ற நிகழ்ச்சி இறுதி கட்டத்திற்கு வந்துள்ள நிலையில் வரும் சனி ஞாயிறு கிராண்ட் ஃபினாலே நிகழ்ச்சி ஒளிபரப்பாக உள்ளது.

இந்த நிலையில் இந்த நிகழ்ச்சியின் இறுதிப் போட்டியில் ஆறு போட்டியாளர்கள் தகுதி பெற்றிருந்தனர். விசித்ரா, மைம் கோபி, கிரன், ஸ்ருஷ்டி டாங்கே, ஆண்ட்ரியன் மற்றும் ஷிவாங்கி ஆகியோரில் விசித்ரா அல்லது ஆண்ட்ரியன் தான் டைட்டில் வின்னர் பட்டத்தை வெல்வார்கள் என்று கூறப்பட்டது. மேலும் விஜய் டிவியின் செல்லப்பிள்ளை ஷிவாங்கி என்பதால் அவருக்கு இரண்டாவது இடம் கிடைக்கும் என்றும் கூறப்பட்டது.

இந்த நிலையில் தற்போது வந்துள்ள தகவல்படி மைம் கோபி தான் டைட்டில் வின்னர் பட்டத்தை வென்றார் என்றும் ஸ்ருஷ்டி டாங்கே இரண்டாவது இடம்பெற்றுள்ளதாகவும் கூறப்படுகிறது.

மேலும் டைட்டில் வின்னருக்கு 10 லட்ச ரூபாய், இரண்டாவது இடம் பெற்றவருக்கு ஐந்து லட்ச ரூபாய் பரிசு அளிக்கப்பட்டதாகவும் அவர்களுடைய கோமாளிகளுக்கு தலா ஒரு லட்ச ரூபாய் பரிசு அளிக்கப்பட்டதாகவும் கூறப்படுகிறது.

குக் வித் கோமாளி நிகழ்ச்சியின் டைட்டில் வின்னர் மைம் கோபி என்பது பார்வையாளர்களுக்கு பெரிய ட்விஸ்ட்டாக உள்ளது என்பது குறிப்பிடத்தக்கது.