ஊசி என்றாலே பயம், ஆனாலும் தடுப்பூசி போட்டு கொண்டேன்: 'குக் வித் கோமாளி' பிரபலம்
- IndiaGlitz, [Wednesday,May 19 2021]
விஜய் டிவியில் ஒளிபரப்பான ‘குக் வித் கோமாளி என்ற நிகழ்ச்சி மிகப்பெரிய அளவில் பார்வையாளர்கள் மத்தியில் வரவேற்பை பெற்றது என்பதும் இந்த நிகழ்ச்சியில் கலந்து கொண்ட அனைவருமே வேற லெவலில் பிரபலமானவர்கள் என்பது குறிப்பிடத்தக்கது. இந்த நிகழ்ச்சியில் கலந்து கொண்ட அனைவருக்குமே கிட்டத்தட்ட சினிமா வாய்ப்புகள் கிடைத்து விட்டது என்பது குறிப்பிடத்தக்கது.
இந்த நிலையில் இந்த நிகழ்ச்சியில் கலந்து கொண்ட ‘குக்’களில் ஒருவர் பவித்ரா லட்சுமி. இவர் தற்போது சதீஷ் நடிப்பில் ஏஜிஎஸ் நிறுவனம் தயாரித்து வரும் திரைப்படத்தில் நடித்து வருகிறார் என்பதும் கொரோனா வைரஸ் பாதிப்பு முடிவுக்கு வந்ததும் இந்த படத்தின் படப்பிடிப்பு தொடங்கும் என்பதும் குறிப்பிடத்தக்கது.
இந்த நிலையில் சமூக வலைத்தளங்களில் ஆக்டிவ்வாக இருக்கும் பவித்ரா, சற்று முன் அவர் தனது இன்ஸ்டாகிராம் பக்கத்தில் தான் கொரோனா வைரஸ் தடுப்பூசி போட்டுக் கொண்டதாக தெரிவித்து புகைப்படம் ஒன்றையும் வெளியிட்டுள்ளார். ’பொதுவாக எனக்கு ஊசி என்றாலே மிகப் பெரிய பயம் என்றும் ஆனாலும் இதை கண்டிப்பாக செய்ய வேண்டியது உள்ளது என்றும் அனைவரும் தடுப்பூசி போட்டுக் கொள்ளுங்கள் என்றும் அவர் தெரிவித்துள்ளார். பவித்ரா லட்சுமி தடுப்பூசி போட்டுக் கொண்ட புகைப்படம் தற்போது வைரலாகி வருகிறது.