'தர்பார்' படத்தின் நான்கு நாள் அசத்தல் வசூல் குறித்த தகவல்
- IndiaGlitz, [Monday,January 13 2020]
சூப்பர் ஸ்டார் ரஜினிகாந்த் நடித்த ‘தர்பார்’ திரைப்படம் கடந்த 9ஆம் தேதி வெளியாகி முதல் நாளே உலகம் முழுவதும் ரூ.34 கோடியும் தமிழகத்தில் ரூ.18 கோடியும் சென்னையில் ரூ.2 கோடியும் வசூலானதாக தகவல்கள் வெளிவந்த நிலையில் தற்போது இந்த படத்தின் நான்கு நாட்கள் வசூல் குறித்த தகவல் வெளிவந்துள்ளது
தர்பார்’ திரைப்படம் முதல் நான்கு நாட்களில் ரூ.128 கோடி வசூல் செய்ததாகவும், தமிழகத்தில் மட்டும் ரூ.44.6 கோடி வசூல் செய்துள்ளதாகவும் தகவல்கள் வெளிவந்துள்ளது. இதில் சென்னையில் ரூ.7.28 கோடி, கேரளாவில் ரூ.7.2 கோடி, கர்நாடகாவில் ரூ.11 கோடி, ஆந்திராவில் ரூ.12 கோடி, வட இந்தியாவில் ரூ.4 கோடி வசூல் செய்துள்ளது
மேலும் அமெரிக்கா மற்றும் கனடாவில் இந்த படம் ரூ.14 கோடியும், ஐரோப்பாவில் ரூ.7 கோடியும், வளைகுடா நாடுகளில் ரூ.11 கோடியும், ஆஸ்திரேலியாவில் ரூ.4 கோடியும் சிங்கப்பூரில் ரூ.5 கோடியும், மலேசியாவில் ரூ.6 கோடியும் வசூல் செய்துள்ளது.
மேலும் ரூ.100 கோடிக்கும் மேல் வசூல் செய்யும் ரஜினியின் 8வது படம் ‘தர்பார்’ என்பது குறிப்பிடத்தக்கது