தனுஷ் நடித்து இயக்கிய ‘ராயன்’ திரைப்படத்தின் படப்பிடிப்பு முடிவடைந்து ஜூன் 13ஆம் தேதி வெளியாக இருப்பதாக அறிவிக்கப்பட்டுள்ள நிலையில் இந்த படத்தின் புரமோஷன் பணிகள் அவ்வபோது நடைபெற்று வருகிறது என்பதை பார்த்து வருகிறோம்.

இம்மாதம் முதல் வாரத்தில் இந்த படத்தின் சிங்கிள் பாடல் வெளியாகி வைரலான நிலையில் தற்போது இந்த படத்தின் இரண்டாவது சிங்கிள் பாடல் ரிலீஸ் செய்து குறித்த அறிவிப்பை தனுஷ் வெளியிட்டுள்ளார்.

இந்த அறிவிப்பில் இசைப்புயல் ஏஆர் ரகுமான் கம்போஸ் செய்த ஒரு கானா பாடல் வெளியாக இருப்பதாகவும் இந்த பாடல் மே 24ஆம் தேதி வெளியாகும் என்று அறிவித்துள்ளார். மேலும் இந்த பாடல் அறிவிப்புடன் அவர் ஒரு புதிய போஸ்டரை வெளியிட்டுள்ள நிலையில் அந்த போஸ்டரில் சந்திப் கிஷான் மற்றும் அபர்ணா பாலமுரளி ஆகிய இருவரும் சைக்கிளில் செல்வது போன்ற காட்சி உள்ளது. இதை வைத்து பார்க்கும் போது இருவரும் இந்த படத்தில் ஜோடியாக நடிக்கின்றனர் என்பது உறுதி செய்யப்பட்டுள்ளது.

இசைப்புயல் ஏஆர் ரகுமானிடம் இருந்து ஒரு கானா பாடல் என்பது ரசிகர்களுக்கு பெரும் ஆச்சரியத்தை ஏற்படுத்தி உள்ள நிலையில் இந்த பாடலுக்கு நல்ல எதிர்பார்ப்பு ஏற்பட்டுள்ளது என்பது குறிப்பிடத்தக்கது.

தனுஷ், எஸ்ஜே சூர்யா, காளிதாஸ் ஜெயராம், சந்தீப் கிஷான், துஷாரா விஜயன், அபர்ணா பாலமுரளி, வரலட்சுமி சரத்குமார் ஆகியோர் நடித்துள்ளனர். ஓம் பிரகாஷ் ஒளிப்பதிவில், பிரசன்னா ஜிகே படத்தொகுப்பில் இந்த படம் உருவாகியுள்ளது. சன் பிக்சர்ஸ் நிறுவனம் தயாரிக்கும் இந்த படம் தனுஷின் 50வது படம் என்பது குறிப்பிடத்தக்கது.

#Raayan 2nd single .. A GAANAA FROM @arrahman sir @sunpictures pic.twitter.com/ZyGRtvzGCV

— Dhanush (@dhanushkraja) May 22, 2024