close
Choose your channels

ஒரு சின்ன தடயம் கூட கிடைக்கல.. தனுஷ் வெளியிட்ட த்ரில்லர் படத்தின் டீசர்..!

Wednesday, June 19, 2024 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

நடிகர் தனுஷ் சற்றுமுன் ’லெவன்’ என்ற த்ரில்லர் படத்தின் டீசரை வெளியிட்டுள்ள நிலையில் அந்த டீசர் வீடியோ தற்போது இணையத்தில் வைரலாகி வருகிறது..

தனுஷ் நடித்த ’பட்டாஸ்’ என்ற திரைப்படத்தில் ஒரு முக்கிய கேரக்டரில் நடித்தவர் நடிகர் நவீன் சந்திரா. இவர் ஏற்கனவே ’சிவப்பு’ ’ஜிகர்தண்டா டபுள் எக்ஸ்’ உள்ளிட்ட சில தமிழ் படங்களில் நடித்துள்ள நிலையில் பல தெலுங்கு படங்களிலும் நடித்துள்ளார்.

இந்நிலையில் ’லெவன்’ என்ற த்ரில்லர் திரைப்படத்தில் நவீன் சந்திரா ஹீரோவாக நடித்திருக்கும் நிலையில் இந்த படம் தமிழ், தெலுங்கு மொழிகளில் உருவாகி வருகிறது. இந்த படத்தின் படப்பிடிப்பு முடிவடைந்துள்ள நிலையில் சற்று முன் இந்த படத்தின் டீசரை நடிகர் தனுஷ் தனது சமூக வலைதளத்தில் வெளியிட்டுள்ள நிலையில் அந்த வீடியோ தற்போது இணையத்தில் வைரல் ஆகி வருகிறது.

தொடர்ச்சியாக மர்மமான முறையில் கொலை நடந்து கொண்டிருக்கும் நிலையில் திறமையான அதிகாரிகளால் கூட அந்த கொலையை துப்பு துலக்க முடியவில்லை. சிசிடிவி காட்சி இல்லை, பிங்கர் பிரிண்ட் என எந்த தடயமும் இல்லாமல் கொலை செய்ய வந்த நபர் யார் என்பதை காவல்துறை அதிகாரி நவீன் சந்திரா கண்டுபிடிப்பது தான் இந்த படத்தின் கதை என டீசரில் இருந்து தெரிய வருகிறது.

நவீன் சந்திரா, ஹரி, அபிராமி, திலீபன், ரித்விகா, ஆடுகளம் நரேன், ரவிவர்மா உள்ளிட்ட பலர் நடிப்பில் உருவாகி இந்த படத்தை லோகேஷ் அஜிஸ் என்பவர் இயக்கி உள்ளார். டி இமான் இசையில், கார்த்திக் அசோகன் ஒளிப்பதிவில், ஸ்ரீகாந்த் படத்தொகுப்பில் உருவாகிய இந்த படம் விரைவில் திரையரங்குகளில் வெளியாக உள்ளது என்பது குறிப்பிடத்தக்கது.

 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Login to post comment
Cancel
Comment