சரியாக ரீமேக் செய்யப்பட்ட படம் 'மெர்சல்' தான்: அட்லியை கலாய்த்த பிரபல இயக்குனர்
- IndiaGlitz, [Sunday,May 08 2022]
சரியாக ரீமேக் செய்யப்பட்ட தமிழ் படம் எது என்ற ரசிகரின் கேள்விக்கு பதிலளித்த பிரபல இயக்குனர் அட்லீயின் ’மெர்சல்’ என்று பதில் அளித்து இருப்பது விஜய் ரசிகர்கள் மத்தியில் பெரும் பரபரப்பை ஏற்படுத்தி உள்ளது.
அட்லி இயக்கத்தில் விஜய் நடிப்பில் உருவான ’மெர்சல்’ திரைப்படம் கடந்த 2017ஆம் ஆண்டு வெளியாகி மிகப் பெரிய வெற்றி பெற்றாலும் அந்த படம் கமல்ஹாசனின் ’அபூர்வ சகோதரர்கள்’ படத்தின் காப்பி என்று விமர்சகர்களால் விமர்சனம் செய்யப்பட்டது.
இந்த நிலையில் தமிழ்ப்படம், தமிழ்ப்படம் 2’ உள்ளிட்ட இயக்கிய இயக்குனர் சி.எஸ்.அமுதன் ரசிகர்களின் கேள்விக்கு பதிலளித்தார். அப்போது ஒரு ரசிகர் ’மிக சிறப்பாக ரீமேக் செய்யப்பட்ட படம் எது? என்ற கேள்விக்கு அவர் ’மெர்சல்’ என்று பதிலளித்தார். இந்த பதில் மூலம் அவர் இயக்குனர் அட்லியை கலாய்த்ததாக கூறப்பட்டதை அடுத்து விஜய் ரசிகர்கள் அவருக்கு கண்டனம் தெரிவித்து வருகின்றனர்.
இந்த நிலையில் இயக்குனர் சி.எஸ்.அமுதன் தற்போது விஜய் ஆண்டனி நடித்து வரும் ’ரத்தம்’ என்ற படத்தை இயக்கி வருகிறார் என்பதும், இந்தப் படத்தின் படப்பிடிப்பு விறுவிறுப்பாக நடைபெற்று வருகிறது என்பதும் குறிப்பிடத்தக்கது.
Mersal
— CS Amudhan (@csamudhan) May 6, 2022