விஜய் சேதுபதி நடித்த இரண்டு திரைப்படங்களை இயக்கிய இயக்குனர் மீண்டும் விஜய் சேதுபதி படத்தை இயக்க இருப்பதாகவும் இந்த படத்தில் 3 பிரபலங்கள் நடிக்க இருப்பதாகவும் வேற லெவல் ஸ்கிரிப்ட் தயாராகி இருப்பதாக கூறப்படுகிறது.

விஜய் சேதுபதியின் நடித்த ‘சூது கவ்வும்’ மற்றும் ’காதலும் கடந்து போகும்’ ஆகிய படங்களை இயக்கியவர் இயக்குனர் நலன் குமாரசாமி. இவர் தற்போது கார்த்தி நடித்துவரும் 26வது படத்தை இயக்கி வருகிறார் என்பதும் கார்த்தி மற்றும் கீர்த்தி ஷெட்டி நடித்து வரும் இந்த படத்தை ஞானவேல் ராஜாவின் ஸ்டுடியோ க்ரீன் நிறுவனம் தயாரித்து வருகிறது என்றதும் குறிப்பிடத்தக்கது.

இந்த நிலையில் ’கார்த்தி 26’ படத்தின் படத்தை முடித்தவுடன் இயக்குனர் நலன் குமாரசாமி, விஜய் சேதுபதி நடிக்க இருக்கும் படத்தை இயக்க இருப்பதாகவும் இந்த படத்தையும் ஸ்டுடியோ க்ரீன் நிறுவனம் தயாரிக்க இருப்பதாகவும் தெரிகிறது.

இந்த படத்தில் விஜய் சேதுபதி உடன் மேலும் 3 பிரபல நட்சத்திரங்கள் நடிக்க இருப்பதாகவும் வேற லெவல் ஸ்கிரிப்ட் தயாராகி விட்டதாகவும் தகவல்கள் வெளியாகி உள்ளன. இந்த படம் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.