’ஜெய்பீம்’ படம் விவகாரம் தொடர்பாக சூர்யாவுக்கு அவரது ரசிகர்கள் சமூக வலைதளங்களில் ஆதரவளித்து #westandwithsurya என்ற ஹேஷ்டேக்கை பதிவு செய்து வரும் நிலையில் இதே ஹேஷ்டேக்கை பதிவு செய்து இயக்குனர் பா ரஞ்சித் தனது ஆதரவை தெரிவித்துள்ளார்.

நடிகர் சூர்யா நடிப்பில், ஞானவேல் இயக்கத்தில் உருவாகிய திரைப்படம் ’ஜெய்பீம்’. இந்த படத்திற்கு பெரும்பாலான பாசிட்டிவ் விமர்சனங்களும், ஒரு சில எதிர்மறை விமர்சனங்கள் வெளிவந்தன என்பது குறிப்பிடத்தக்கது. குறிப்பாக வன்னியர் சமுதாய அமைப்புகள் இந்த படத்திற்கு தங்களது எதிர்ப்பை தெரிவித்து வருகின்றனர்.

இந்த நிலையில் ஒருசிலர் சூர்யாவுக்கு எதிர்ப்பு தெரிவித்து வருவதை அடுத்து அவருக்கு ஆதரவு அளிக்கும் வகையில் #westandwithsurya என்ற ஹேஷ்டேக்கை அவரது ரசிகர்கள் ட்விட்டர் ஃபேஸ்புக் உள்ளிட்ட சமூக வலைதளங்களில் பதிவு செய்து வருகின்றனர். இந்த ஹேஷ்டேக்கிற்கு மிகப்பெரிய ஆதரவு எழுந்து உள்ளது என்பதும் இந்திய அளவில் டிரெண்ட் ஆகி உள்ளது என்பது குறிப்பிடத்தக்கது.

இந்த நிலையில் இந்த ஹேஷ்டேக்கை தனது டுவிட்டர் பக்கத்தில் பதிவு செய்த இயக்குனர் பா ரஞ்சித் அவர்கள் தனது ஆதரவை சூர்யாவுக்கு தெரிவித்துள்ளார்.

#jaibhim #weStandwithSurya pic.twitter.com/n70PuWmLyN

— pa.ranjith (@beemji) November 15, 2021