மோகன்லால், மீனா நடித்த ’த்ரிஷ்யம்’ படத்தை இயக்கிய ஜீத்து ஜோசப் வெளியிடும் படத்தில் அமலாபால் நாயகியாக நடித்துள்ள நிலையில் இந்த படம் விரைவில் வெளியாக உள்ளதாக அறிவிக்கப்பட்டுள்ளது.

நடிகை அமலாபால் தற்போது நிறைமாத கர்ப்பிணியாக இருக்கும் நிலையில் இன்னும் ஒரு சில நாட்களில் அவருக்கு டெலிவரி ஆகும் என்று எதிர்பார்க்கப்படுகிறது. இந்த நிலையில் கர்ப்பிணியாக இருந்த போதிலும் அவர் பிருத்விராஜ் உடன் நடித்த ’ஆடுஜீவிதம்’ என்ற படத்தின் புரமோஷனில் கலந்து கொண்டார் என்பது தெரிந்தது.

இந்த நிலையில் அமலாபால் நடித்த இன்னொரு திரைப்படமும் ரிலீசுக்கு தயாராக இருப்பதாக அறிவிக்கப்பட்டுள்ளது. அவர் நடித்த ’லெவல் கிராசிங்’ என்ற திரைப்படத்தின் புதிய போஸ்டர் வெளியாகி உள்ள நிலையில் இந்த படம் தமிழ், தெலுங்கு, மலையாளம், கன்னடம் என நான்கு மொழிகளில் வெளியாக இருப்பதாக அறிவிக்கப்பட்டுள்ளது.

அர்பாஸ் அயுப் இயக்கத்தில் உருவாகியுள்ள இந்த படத்தில் சைதாலி என்ற கேரக்டரில் அமலாபால் நடித்துள்ள நிலையில் இந்த படத்தை ரமேஷ் பிள்ளை தயாரித்துள்ளார். விஷால் சந்திரசேகர் இசையமைத்திருக்கும் இந்த படத்தை ’த்ரிஷ்யம்’ ஜித்து ஜோசப் தான் வெளியிடுகிறார் என்பதும் இந்த படத்தின் ரிலீஸ் தேதி இன்னும் ஒரு சில நாட்களில் அறிவிக்கப்பட்ட உள்ளதாக கூறப்படுகிறது.

View this post on Instagram

A post shared by Amala Paul (@amalapaul)