సోష‌ల్ మీడియాలో హ‌ల్ చ‌ల్ చేస్తున్న 'సాహో'లోని ఎవ‌లిన్ శ‌ర్మ చిత్రాలు
- IndiaGlitz, [Monday,March 18 2019]
జ‌ర్మ‌న్ మోడ‌ల్ ఎవ‌లిన్ శ‌ర్మ.. యే జ‌వానీ హైదివానీ, జ‌బ్ హ్య‌రీ మెట్ సెజ‌ల్‌, హిందీ మీడియం చిత్రాల్లో న‌టించారు. తెలుగులో ఈమె న‌టిస్తున్న తొలి చిత్రం 'సాహో'. ఈ యాక్ష‌న్ థ్రిల్ల‌ర్‌లో ఎవ‌లిన్ నెగ‌టివ్ షేడ్స్ ఉన్న పాత్ర‌లో క‌నిపిస్తున్నారు. అంటే కేవ‌లం బుద్ధికే కాదు.. శారీరకంగా కూడా ప్ర‌త్య‌ర్థుల ప‌ని ప‌ట్ట‌నున్నారు.
ఈమె మిష‌న్ గ‌న్ ప‌ట్టుకుని చేసిన యాక్ష‌న్ స‌న్నివేశాల‌కు సంబంధించిన స్టిల్స్ కొన్ని సోష‌ల్ మీడియాలో హ‌ల్ చ‌ల్ చేస్తున్నాయి. మ‌రి సినిమాలో ఎవ‌లిన్ ఎలా మెప్పించనుందో తెలుసుకోవాలంటే ద‌స‌రా వ‌ర‌కు ఆగాల్సిందే.
ప్ర‌భాస్ క‌థానాయ‌కుడిగా సుజిత్ ద‌ర్శ‌క‌త్వంలో రూపొందుతున్న యాక్ష‌న్ ఎంట‌ర్‌టైన‌ర్ 'సాహో'.. తెలుగు, త‌మిళ, హిందీ భాష‌ల్లో ద‌స‌రా సంద‌ర్భంగా విడుద‌ల కానుంది. బాలీవుడ్ బ్యూటీ శ్ర‌ద్ధాకపూర్ హీరోయిన్‌గా న‌టిస్తుంది.