ஒவ்வொரு வெள்ளிக்கிழமையும் தமிழ் திரையுலகில் தயாராகும் திரைப்படங்கள் மூன்று முதல் ஐந்து படங்கள் வெளியாகி வரும் நிலையில் இந்த வாரம் ஜீவா நடித்த சீறு மற்றும் மணிரத்னம் தயாரித்த ‘வானம் கொட்டட்டும்’ ஆகிய படங்கள் வெளியாக உள்ளது.

இந்த நிலையில் அடுத்த வாரம் அதாவது பிப்ரவரி 14ஆம் தேதி மூன்று படங்கள் வெளியாக உள்ளதாக அறிவிக்கப்பட்டு அந்த படங்களின் புரமோஷன் பணிகள் விறுவிறுப்பாக நடைபெற்று வருகிறது.

ஹிப்ஹாப் தமிழாவின் நான் சிரித்தால்: ஏற்கனவே ஹிப்ஹாப் தமிழா நடித்த ’மீசையை முறுக்கு’ மற்றும் ’நட்பே துணை’ ஆகிய திரைப்படங்கள் நல்ல வெற்றியைப் பெற்றதையடுத்து அவருடைய அடுத்த படமான ’நான் சிரித்தால்’ திரைப்படம் வரும் 14ஆம் தேதி வெளியாக உள்ளது. இந்த படம் வெற்றி பெற்றால் அவருக்கு ஹாட்ரிக் வெற்றி கிடைக்கும் என்பது குறிப்பிடத்தக்கது. ஏற்கனவே இந்த படத்தின் டீசர் டிரைலர் ஆகியவை நல்ல வரவேற்பை பெற்றுள்ளது என்பது தெரிந்ததே.

அமலாபாலின் அதோ அந்த பறவை: அமலாபால் நடித்த ஆடை திரைப்படம் சமீபத்தில் வெளியாகி நல்ல வரவேற்பை பெற்றதையடுத்து அவர் முக்கிய வேடத்தில் நடித்த ’அதோ அந்த பறவை’ என்ற திரைப்படமும் பிப்ரவரி 14ல் வெளியாக உள்ளது. இந்த படத்தில் அமலாபால் ரிஸ்க் எடுத்து டூப் இன்றி சண்டை காட்சிகளில் நடித்துள்ளார் என்பது குறிப்பிடத்தக்கது. இந்த படத்தின் விறுவிறுப்பாக கதை நிச்சயம் த்ரில் ரசிகர்களுக்கு விருந்தாக இருக்கும் என்பது படத்தின் டிரெய்லரில் இருந்து தெரிய வந்துள்ளதால் இந்த படத்திற்கு நல்ல எதிர்பார்ப்பு ஏற்பட்டுள்ளது என்பது குறிப்பிடத்தக்கது.

சந்தானம் நடித்த சர்வர் சுந்தரம்: சந்தானம் நடித்த ’டகால்டி’ திரைப்படம் சமீபத்தில் வெளியாகிய நிலையில் அவர் நடித்த மற்றொரு திரைப்படமான ’சர்வர் சுந்தரம் ’வரும் 14ஆம் தேதி வெளியாக உள்ளது. இந்த படத்தின் ரிலீஸ் செய்து ஏற்கனவே பலமுறை அறிவிக்கப்பட்டு பின்னர் திடீரென ஒத்திவைக்கப்பட்டுள்ளதை அடுத்து தற்போது வரும் 14-ஆம் தேதி ரிலீஸ் செய்ய உள்ளதாக அறிவிக்கப்பட்டுள்ளது. நாகேஷ் பேரன் சந்தானத்துடன் நடித்திருக்கும் இந்த படத்திற்கு நல்ல எதிர்பார்ப்பு ஏற்பட்டுள்ளது என்பது குறிப்பிடத்தக்கது.

ஒ மை கடவுளே: அசோக்செல்வன், ரித்திகாசிங், வாணிபோஜன் மற்றும் விஜய்சேதுபதி சிறப்பு தோற்றத்தில் நடித்த இந்த படமும் நல்ல எதிர்பார்ப்பிற்குரிய ஒரி திரைப்படம் ஆகும்.