రెండో రోజుకి చేరిన ఫ్రెండ్ రిక్వెస్ట్ టీమ్ ఆమరణ నిరాహార దీక్ష...
- IndiaGlitz, [Saturday,July 09 2016]
హీరో & డైరెక్ట‌ర్ ఆదిత్యా ఓం ఫ్రెండ్ రిక్వెస్ట్ అనే చిత్రాన్ని తెర‌కెక్కించారు. సోష‌ల్ మీడియా బ్యాక్ డ్రాప్ తో రూపొందించిన ఫ్రెండ్ రిక్వెస్ట్ చిత్రాన్ని ఈనెల 8న రిలీజ్ చేయాల‌నుకున్నారు. యూత్ ఫుల్ మూవీ కావ‌డంతో...ఆంధ్ర‌ప్ర‌దేశ్, తెలంగాణ రాష్ట్రాల్లోని కాలేజీల‌కు వెళ్లి ప్ర‌మోష‌న్ చేసారు. యూత్ నుంచి మంచి రెస్పాన్స్ వ‌చ్చింది అంతా ఓకే...అనుకుని ఈనెల 8న రిలీజ్ ప్లాన్ చేసుకున్నారు. అయితే...ఈ చిత్రానికి నైజాం లో 30 థియేట‌ర్స్ ఇస్తామ‌న్న డిస్ట్రిబ్యూట‌ర్ రిలీజ్ రోజు మూడు థియేట‌ర్స్ మాత్ర‌మే ఇస్తామ‌న‌డంతో ఫ్రెండ్ రిక్వెస్ట్ టీమ్ షాక‌య్యింది.
దీంతో త‌మ‌కు న్యాయం చేయాలంటూ ఫ్రెండ్ రిక్వెస్ట్ టీమ్ ఫిలిం ఛాంబ‌ర్ వ‌ద్ద నిన్న‌ఆమ‌ర‌ణ నిరాహార దీక్ష ప్రారంభించింది. రెండో రోజైన ఈరోజు కూడా ఆమరణ నిరాహార దీక్ష కొన‌సాగుతుంది. 20 మందికి పైగా చిన్న నిర్మాత‌లు ఆదిత్య ఓం చేస్తున్న ఆమరణ నిరాహార దీక్ష‌కు మ‌ద్ద‌తు తెలియ‌చేసారు. మ‌రి...ఈ ఆమరణ నిరాహార దీక్ష ఎంత వ‌ర‌కు వెళుతుందో...? చూడాలి.