தளபதி விஜய் நடித்து வரும் ‘கோட்’ படத்தில் நடிக்கும் நடிகரின் மகன் டபுள் டிகிரி வாங்கிய தகவல் அவரது மனைவியின் சமூக வலைதள பக்கத்தில் பதிவு செய்துள்ள நிலையில் அவருக்கு வாழ்த்துகள் குவிந்து வருகிறது.

தளபதி விஜய் நடிப்பில், வெங்கட் பிரபு இயக்கத்தில் உருவாகி வரும் ‘கோட்’ படத்தில் நடிக்கும் நடிகர்களில் ஒருவர் யுகேந்திரன். பிரபல பின்னணி பாடகர் மலேசியா வாசுதேவன் மகனான இவர் பிக் பாஸ் நிகழ்ச்சியில் கலந்து கொண்டிருந்தார் என்பது தெரிந்தது. சமீபத்தில் தான் இவர் ‘கோட்’ படத்தில் நடிப்பது உறுதி செய்யப்பட்டது என்பதும் ஒரு பேட்டியில் அவர் இதனை தெரிவித்து இருந்தார் என்பதையும் ஏற்கனவே பார்த்தோம்.

விஜய் நடித்த ’திருப்பாச்சி’ திரைப்படத்தில் நடித்த யுகேந்திரன் அதன்பிறகு 18 ஆண்டுகள் கழித்து விஜய்யுடன் மீண்டும் நடிப்பதாகவும் அப்போது இருந்தது போலவே மிகவும் எளிமையாகவும் அன்பாகவும் விஜய் இருப்பதை பார்த்து தான் ஆச்சரியம் அடைந்ததாகவும் யுகேந்திரன் அந்த பேட்டியில் தெரிவித்திருந்தார்.

இந்த நிலையில் யுகேந்திரன் மற்றும் ஹெய்மாமாலினி தம்பதிகளுக்கு மூன்று மகன்கள் இருக்கும் நிலையில் அவர்களில் விஷாஷன் நாராயணன் என்பவர் தற்போது டபுள் டிகிரி பெற்றுள்ளார். சுற்றுப்புற சூழல் அறிவியல் மற்றும் உயிரியல் ஆகிய இரண்டு துறைகளில் டிகிரி பெற்றதை அடுத்து இதனை ஹெய்மாமாலினி பெருமையுடன் தனது மகன் டிகிரி வாங்கிய புகைப்படங்களை பதிவு செய்துள்ள நிலையில் அவருக்கு ரசிகர்கள் வாழ்த்துக்களை தெரிவித்து வருகின்றனர்.